زبدةالاشعار

الهی دل یاندی قلبیم الولاندی #کاظمیه_علیوی

زبانحال #حضرت_معصومه سلام الله علیها در فراق پدر
.
✍️ زبدة الاشعار ✍️
.
🆔: @nohe_torki
.
عُلیَوی
.
الهی دل یاندی
قلبیم الولاندی
طاقتیم آزالدی
بابام گلمدی
.
وصلت قوشی اوشدی
اون بیرایل سووشدی
گوزیم یولدا قالدی
بابام گلمدی
.
(بابام ای وای ای وای
بابام ای وای ای وای
یارالی بابام)
.
.
.
بغدادین یولاری قوملودی هم داشلی
باخیروق یولارا هامومیز گوزیاشلی
سارالوب سولمیشوق باجیلی قارداشلی
غم لر حدن چخدی صبرین ائوین یخدی
آغ گونلر قارالدی بابام گلمدی
.
.
اون بیرایلدی اولوب بغداددا زندانی
دیوللر ظالمدی زندان نگهبانی
بابامی وردیقجان آغلادیر زهرانی
اورگ قانا دوندی صفا شمعی سوندی
دشمن لر کام آلدی بابام گلمدی
.
.
ظلم ائلیور هارون آل امیه تک
امیدیمیز گلور خلاق حیه تک
بابا وای سسلورم عمه م رقیه تک
یورولوب معصومه اولوبدور مغمومه
غصه دن قوجالدی بابام گلمدی
.
.
باجیلاریم یکسر غمه غرق اولوبلار
خزان گورموش گل تک سارالوب سولوبلار
یولا گوز تیکمکدن داخی یورولوبلار
الهی کریمسن رحمانسان رحیمسن
رنگیمیز سارالدی بابام گلمدی
.
.
داریخار قلبیمیز آخشام گون باتاندا
چراغ خاموش اولوب گون باشا چاتاندا
سس سسه وئره ریک قونشولار یاتاندا
وفا شمعی سوندی دشمن لر سوویندی
درد و غم چوخالدی بابام گلمدی
.
.
گوروم الله دونسون بو چرخین دورانی
ائدیبدور موسانی هارونه زندانی
بیر دیین یوخ بوشلا دلبند زهرانی
یورولوب فرقتدن قوجالوب محنتدن
فلک دامه سالدی بابام گلمدی
.
.
آتامی هر لحظه من یادیمه سالام
بوش گوروب یرینی یانایانا قالام
جانمازین آچوب عطرین اونان آلام
قزیل گوللر سولدی اورگ قان اولدی
دشمنلر ال چالدی بابام گلمدی
.
.
کیم گوروب یتیمین غمنن دینجلمسین
یواشدان آغلاروق قونشولار بیلمسین
ائشیدوب ناله نی دشمن لر گولمسین
امید آیی باتدی دشمن کامه چاتدی
اورگده سوز قالدی بابام گلمدی
.
.
گئنه شکر ایلروک(عُلیَوی)آللهه
بیزی بو صبریموز یتیریبدور جاهه
بیزیم نوکریمیز فخر ایلیر شاهه
می وصلت ایشدیک معبوده یتیشدیک
باشیمیز اوجالدی بابام گلمدی
.
.
.
#سبک_یخلوب_عباسیم

متن پیشنهادی:  گتوردی وحی امینی آیه مصطفایه #غدیریه_شایان_ارومیه

.
#کاظمیه_شهادت
#الهی_دل_یاندی_قلبیم_الولاندی
#علیوی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی