زبدةالاشعار

چوخ توكمه گوزون یاشنی رخساره رقیه #حضرت_رقیه #عاصی_تبریزی

زبانحال حضرت زینب (س) در خرابه بحضرت رقیه

#ترکی
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
مشابه

.
مرحوم عاصی تبریزی
.
چوخ توكمه گوزون یاشنی رخساره رقیه
دردون دی منه بلکه ائدم چاره رقیه
.
.
دردون ندی دلده که ائدیر سن بله افغان
آندور منه اولّام اورگون دردینه قربان
دردون بو بلاکش بی بوی سالدی ایاقدان
گیزلتمه گتور دردیوی اظهاره رقیه
.
.
یاندوردی منِ بی کسی بو شعلۀ آهون
ائتدی منی افسرده قیزیم طرز نگاهون
قویما باتا توپراقه توزا زلف سیاهون
گل شانه ووروم زلف سَمن باره رقیه
.
.
علت ندى اشگون توکوسن بو رخ زرده
ائتمه بوقدر ناله گتورمه منی درده
گل باشوی قوی سینمه یاتما قوری برده
آز قوی یوزیوی شوریله دیواره رقیه
.
.
نولموش بو گئجه یوخ یوخی آثاری گوزونده
ایوای دیوسن آغلوسان هر کلمه سوزونده
یاندوردی بو حالون منیده آخر اوزونده
اولسون سنه قربان بو گونی قاره رقیه
.
.
قارداشیم حسین گلشنون بیر گلی سن سن
بوجمع پریشانه قیزیم سوگلی سن سن
گورسم آچلوب قلبون اگر بیر گلی سن سن
شاد اولّام او حاله منِ بیچاره رقبه
.
.
علت ندى بیله دوتولوب قلب فگارون
فریاد و فغانیله اولوبدور سرِ کارون
یوخ طاقتون آخر کسیلوب صبر و قرارون
گل نطقه گتور دردیوی گفتاره رقیه
.
.
آز چگینوه قوی بوینووی چوخ گلمه نوایه
صبر ائت قیزیم آخر ستم اهل جفایه
رحم ائت آناوا بیرده من بخت قرایه
دردون قویوب آخر بیزی آواره رقیه
.
.
کسمیش بولورم قولّاریوی حلقۀ زنجیر
قویمور یوخی گلسون گوزیوه یرلری اینجیر
گل باشوی قوی سینمه اولما بئله دلگیر
زنجیر ائدوب قولّاریوی یاره رقیه
.
.
حقون وار اگر ائیلیه سن، سن گِله مندن
نیلوم که فلک ائتدی خجالت منی سندن
اوزدى الیمی ائلدن هامی اهل وطندن
چکدی باش آچوق شامده بازاره رقیه
.
.
آجسان بولورم گل کیمی بیله سارالوبسان
بو حالویله صبریمی سن الدن آلوبسان
بولدوم ندی دردون نیه بو حاله قالوبسان
یوخ منده بو درده بولوسن چاره رقیه
.
.
تهراندا اولان گونده «حسین فرشیه» مهمان
«محسن شهیری» و «علی اکبر خوش خوان»
آغلار گوزیله عاصی وئروب بو سوزه پایان
قبرون صِله ایستلَّه بواشعاره رقیه
.
.
#حضرت_رقیه_شهادت #عاصی_تبریزی
#چوخ_توكمه_گوزون_یاشنی_رخساره_رقیه
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی