درشهادت حضرت علی علیه السلام
.
✍️ #زبدةالاشعار ✍️
.
🆔: @nohe_torki
.
#سبک_ای_گل_مینای_من و … دستجات خیابانی و …
.
حاج اصغر فرشچی ( عدلی تبریزی)
.
هیکل قرآن علی ، هستی عالم علی
ناشر احکام دین ، اکبر و اعلم علی
باء بسم الله سن ، هـم ولی الله سن
هرطبیبدن مهربان، دللره مرهم علی
(جانلارا جانان علی
مظهر ایمان علی)(2)
شمع فانوس حقیقت یاعلی مولا
افتخار آدمیّت یا علی مولا
مظلوم علی … مغموم علی ….
.
.
.
دادگستر دادگر، شاه بی همتا علی
ای یارالدان بیرلیقی، حیدرو مولا علی
حامی بیچارگان ، حقی تعدیله سالان
مشکلاتی حل ایدن ، پیرکرّمنا علی
(علّت ایجاد علی
عالمه استاد علی)(2)
مظهر صدق و صداقت یا علی مولا
مکتب آموز اُخُوِّت یا علی مولا
مظلوم علی … مغموم علی ….
.
.
.
بادۀ غمدن ایچوب ، مست اولوب باده فروش
قوزاونوب عرشه بوگون ، هایوهوجوش وخروش
سن نماز اوسته سحر ، باش اولوب شق القمر
شیعیانون اولدولار، مِحنَتونده قاره پوش
(کوفه شهرین غم آلوب
شیعه لرسنسیز قالوب)(2)
سن شهید اولدون مرامه دشمنون چاتدی
گوزلری یولدا یتیملر بی غذا یاتدی
مظلوم علی … مغموم علی ….
.
.
.
یارمظلومان علی ، گون کیمی باتدون بوگون
تزغروب ایتدون ندن، عترتین آتدون بوگون
عدل خواه اولدون زبس ، کسدیلر سندن نفس
باش یارالی قبریده خسته جان یاتدون بوگون
(فاتح خیبر علی
ساقی کوثر علی)(2)
سن محبت کانی مولا مهربان انسان
سن آچوبسان بوجهانه مکتب قرآن
مظلوم علی … مغموم علی ….
.
.
.
باتدی گون طوفان قوپوپ، یرده گویده اظطراب
گون فراقینده قاچوپ، رنگ روی ماهتاب
قورخولی یل لر اسر ، وار قیامتدن اثر
جسم و دلده اگلشور، ذره ذره التهاب
(علّت ایجاد علی
عالمه استاد علی)(2)
جیفۀ دنیاه ملجم اوغلی آلّلاندی
عاشقان مکتب عشق ایندی نالاندی
مظلوم علی … مغموم علی ….
.
.
.
باعثی قُطّامَه دورایلدی کشف حجاب
ملجم اوغلون تولادی قتلیوه اولدی مجاب
کج گیدوبدی یولاّری شل اولیدی قولّاری
نقش شوم قاتلون کاش اولیدی نقش آب
(شافع محشرعلی
مرتضی صفدر علی)(2)
سن آچاندا جانمازی قانیوه باتدون
حقدن آلدون امتیازی گوز یوموب یاتدون
مظلوم علی … مغموم علی ….
.
.
.
نوکر درباراولان ،(عدلی) یازدی بوسوزی
بو گونون احوالینه ، غصّه دن آغلار گوزی
هم نجف هم کربلا ، کاظمین و سامرا
امر ایله دعوت ایده، شاه مظلومان اوزی
(بیرتوان ایسته منه
بو جانیم قربان سنه)(2)
ائت کرم بوطبعیم اولسون یا علی گویا
سن دمی عیسایه ویردون دم تاپوپ عیسی
مظلوم علی … مغموم علی ….
.
.
#حیدریه_عدلی_تبریزی
#حیدریه_شهادت
#هیکل_قرآن_علی_هستی_عالم_علی
#ترکی
.
✍️ #زبدةالاشعار ✍️
.
🆔: @nohe_torki
نظر دهید