گوردولر حسین قتلگاهدن وا اخا دیور قدی خم گلور #عباسیه_غفاری_زنجانی

شهادت حضرت ابوالفضل العباس (ع)
..
..
..
#سبک_ساخلا_ناقه_می … 8 سبک سینه و زنجیر
..
..
..
غفاری زنجانی
..
..
..
..
گوردولرحسین قتلگاهدن
وا اخا دیور قدی خم گلور
بیر الینده بیر پاره مشگ وار
بیر الینده قانلو علم گلور
..
..
..
..
بیر قدم گلور بیرقدم دورور
قتلگاهه ساری دونوب باخور
آز قالور دونه قانه گوزیاشی
گل جمالینه سیل تک آخور
حال زارینه تشنه لب حسین
کل عالمی یاندروب یاخور
بحر غمدن امواج غصه لر
اوستونه اونون دمدم گلور
..
..
..
..
حمل ایدور خیامه وزیرنون
قانلو پرچمین مشگ پاره سین
بیر طریقیله ایستیور ویره
اهل بیتنه غم اشاره سین
کشف راز ایده خردا قیزلارا
تا نشان ویره دلده یاره سین
بو خیالیله خیمه گاهنه
عزم ایدوب اومیر حرم گلور
..
..
..
..
رمزله او غواص بحر غم
درب غصّه دن قفلی سندیروب
گیچدی یخدی عباس خیمه سین
بیر به بیر طنابین چکوب قروب
وای سوسوز ئولن قارداشیم دیدی
گوز یاشین توکوب باشینه ویروب
سسلنوب گلون ای حرملریم
عزّتیمه نقش عدم گلور
..
..
..
..
جمع اولون عزا بزمنی قوراق
بیر دویونجا عباسه آغلیاق
مجلس عزا ایلیک بپا
بیز او شجعۀ ناسه آغلیاق
دعوت ایلیک ختم مرسلی
مرتضانی بو یاسه آغلیاق
وای اوغول دیر فاطمه آنام
بو عزایه غرق الم گلور
..
..
..
..
کشتیِ امیدیم بو دشتده
ظلمیله باجی لنگه دوشدی گل
قارداشیم ئولوب قدیم اولدی خم
غصه دن نفس تنگه دوشدی گل
ال تاپار منه شامیان داخی
گور نجه یاخام چنگه دوشدی گل
شرح اولان زماندا مصیبتیم
داده جمله لوح قلم گلور
..
..
..
..
گلمیوب بیله قارداش عالمه
جاندور منه تندن آیرلوب
من نجه دوزوم بو مصیبته
اول وفا سیر مندن آیرلوب
باغبان ئولوب سولدی گلشنیم
یا گلیدی گلشندن آیرلوب
بیرده گورمم عباس با وفا
خیمه گاهه الده علم گلور
..
..
..
..
چاره می آزالدوب ایدوبدی خم
قدیمی اونون سرو قامتی
زیندن دوشنده او با وفا
گورموشم باجی من قیامتی
ویرسون الله ام البنینه صبر
بلسه گر بو غملی حکایتی
بو مصیبت جانگدازدن
نی کیمی نوایه ننم گلور
..
..
..
..
گوردی پنجه سیز شیری عرصه ده
گلدی جرأته فرقۀ گراز
شهپر اولماسا دوشسه عده ای
کرکس ایچره نیلر او شاهباز
بنذدی او شهباز بی پره
عرصه گهده عباس پاکباز
بو چکیده ی سوزده مطلبون
روشنی اله لاجرم گلور
..
..
..
..
دوغرانوبدی منقار کینه دن
شاهباز خونین پریم باجی
قان آخوب قارشدی سومشگینه
قالدی تشنه لب اصغریم باجی
یاتدی پرچمیم سندی لشکریم
قانه باندی سر لشکریم باجی
یاره سی گیچوبدور شماره دن
فکره نه حدود رقم گلور
..
..
..
..
گلمیور قیامه بلیم داخی
غصه لر یوروب چوخ قوجالمشام
گورموشم بیر حالدا جنازه سین
وا اخا دیوب باشه چالمشام
صابر امامت واریم او دور
ئولمیوب هله زنده قالمشام
بلمورم ندن ایلیوب هجوم
اوستومه منیم موج غم گلور
..
..
..
..
قانیله خسوفه یتوبدی ماه
حقی واردی اولدوزلار آغلاسون
ئولدی پاسبان حرم داخی
ویر خبر بالا قزلار آغلاسون
ال تاپار خیامه بو اهل شام
سس چکوب اوغو لسوزلار آغلاسون
ایندی موج ایدر سیل تک قوشون
خیمه گاهه اهل ستم گلور
..
..
..
..
..
..
#عباسیه #غفاری_زنجانی #عباسیه_شهادت #ترکی #زبدةالاشعار