زبانحال حضرت رقیه (س)
.
.
حاج حسن رسالور
.
.
رقییم آنا آغلار گوزوم وار
قبر ایوینه آپاررام چوخ سوزوم وار
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
یوخدی بوفانی عالمین وفاسی
اسیر ایتدی منی چرخین جفاسی
گیتدى الیمدن قلبمین صفاسی
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
ابر بهاران تک آنا دولدوم من
بیر گلودوم جفائیلن سولدوم من
اوچ یاشیندا آنا اسیر اولدوم من
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
رقیه نی گتدی زمانه جانه
من آغلارام غربتده یانه یانه
ویرانه ده قلبیم دونوبدی قانه
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
قوللار آنا طناب ظلمه بسته
وجودیمی غملر ایدوبدی خسته
شاد اولمادیم من زار و دل شکسته
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
عذر ایستورم سندن بو بیر سوزومدن
باران غم یاغور منیم گوزومدن
وار اوچ یاشیم دویدوم آنا اوزومدن
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
غملی گوگلون آنا غمدن دولاندا
صبر ایله عمریمون گلی سولاندا
دی عمه مه هر بیر سوزون اولاندا
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
رقیه نون قلبینده واردی یاره
عجز ایله سن آنا پروردگاره
الله اوزی ایتسون بو درده چاره
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
قویما آنا قالوم من بو هوسده
تنگه دوشوب روحیم قوشی قفسده
گل قول بویون اولاخ بو صون نفسده
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
گل قبلیه دوندر آنا یوزومی
جان اوستیم باغلا منیم گوزومی
هیچ گورمدیم غمدن رها اوزومی
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
ترک ایلورم دنیانی اوچ یاشیندا
یازون بیله مزاریمون داشندا
بو قیز ئولدی قاره معجر باشندا
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
«رسالور» الله نصیب ایدنده
رقیه نین قبری اوسته گیدنده
بو نوحه نی زوارینه دی سنده
ایشیق گونوم اولدی قرا آی نه نه
قلبیم اولوب غمدن یارا آی نه نه
.
.
#حضرت_رقیه #حسن_رسالور #حضرت_رقیه_شهادت #ترکی #زبدةالاشعار
نظر دهید