یئنه یئر تتره دی یئنه یئل اسدی

🏴تسلیت آذربایجان

✍️ زبدةالاشعار ✍️

🆔: @nohe_torki

مهدی نجفلو

یئنه یئر تتره دی یئنه یئل اسدی
نَقَدَر اورکلر یارالی قالدی
زلزله بئشیک تک یئری اوینادیب
آنا بالاسیندان ارالی قالدی

آتالار اختاریر وئران اوباسین
بالا سراغلاییر ایتن آنا سین
یارالی گورنده آنا بالاسین
بیلیر باختی نجه قارالی قالدی

تازا بئی تاپاندا تازا گلینی
بیر اورپک آختاریر اورته تلینی
گورنده جان وئریب اوزور الینی!
بیلیر بو داغلاردا مارالی قالدی

آتالار آنالار باتیب آل قانا
قارداشلار باجیلار یاتیب یان یانا
یارالار دگوبدور بو گون ایرانا
وطنده اورکلر پارالی قالدی

های سالین ئولکیه . های سالین ائله
بیر اولسا ائللریم گوج گلَر سئله
بیر گئورک نه اولدی نه گلدی بئله؟
هارالی جان وئردی. هارالی قالدی؟

(نجفلو) آغلاسان اچیلار اورک
وطنین غم گونون نظم ائله گورک
پیس گونون عموری آز اولماخ گرک
پیسلرین ئوزلری قارالی قالدی

#تسلیت_آذربایجان
#ترکی
#زلزله
#یئنه_یئر_تتره_دی_یئنه_یئل_اسدی
#مهدی_نجفلو

🏴🏴🏴🏴

.
✍️ #زبدةالاشعار ✍️
.
🆔: @nohe_torki