کوفه دن نامه گلوب سعد ستم کاره بو گون #فرات_نادری

بسته شدن آب فرات
..
..
مرحوم نادری میانجی
..
..
کوفه دن نامه گلوب سعد ستم کاره بو گون
باغلیا آب فراتی شه ابراره بوگون
..
..
آل پیغمبریلن صلح ایده گر سعد دغا
حکم سردار سپه لوق یازیلوب شمر آدینا
ئوز قویوب شمر گدیر باب الحوایج یانینا
شمر امان نامه ویروبدور اول علمداره بوگون
..
..
عرض ایدوب حضرت عباسه او دم شمر دنی
چون آنان فاملمزدور داخی خوار ایتمه منی
قورتاروم مهله کدن ای باجیم اولادی سنی
دیمیه تیغِ بلا سن کمی سرداره بوگون
..
..
بو امان نامه نی گورجک او سپهدار حسین
سالدی فرمانی ایاق آلتدا علمدار حسین
قویمارام من قالا بی یار و مددکار حسین
ویرمرم فرصتی من لشگر اشراره بوگون
..
..
قیرارام لشگر کفاری بوگون شامه کیمی
یازارام قتلوه فرمانی قزل خامه کیمی
ایدرم پاره سنونده أوزوی نامه کیمی
قویمارام کرب و بلاده قالا دیاره بوگون
..
..
ایستیورسن آلاسان الده اولان منصبیمی؟
من گیدوم شامه اسیر ایلیه سن زینبیمی؟
سنه تکرار ایدرم من سوزومی مطلبیمی
اودلارام اود ورارام لشگر کفاره بوگون
..
..
گر حسینمدن اجازه اولا جولان ایدرم
ذوالفقاریله سنی قانوه غلطان ایدرم
کوفه ده ابن زیادین اوره گین قان ایدرم
اقتدا باقلا مشام حیدر کرّاره بوگون
..
..
آدیم عباس حسین لشگرینین سروریم
بو حسین شیر خدا منده اونون قنبریم
سنده یاز«نادری» چوخدان بوحسین نوکریم
جان فدا ایلیرم عترت اطهاره بوگون
..
..
#فرات #نادری #امان_نامه #امان_نامه_نادری #ترکی #زبدةالاشعار