یازون خورشید کنعانه کی باخسون سمت ایرانه #رضویه_مصیبی_تبریزی

《الا یا ایّهاالسّاقی»
..
..
..
..
..
#سبک
..
..
..
..
مصیبی تبریزی
..
..
..
..
..
یازون خورشید کنعانه – کی باخسون سمت ایرانه
حجازین بیر گونی چیخدی – صفا سالسین خراسانه
..
وفا گلدی – صفا گلدی – علی موسی الرضا گلدی
دئنن دردی – اولانلاره – کی هر درده دوا گلدی
آقا گلدی (4)
..
..
..
..
..
بو دنیاده هامی خوبان ، بیزیم یاره اولار عاشق
ثناگویان و مه رویان ، بیزیم یاره اولار عاشق
نه تنها یوسف کنعان ، بیزیم یاره اولار عاشق
رضا عشقی سالارطوفان ، یانان قلب زلیخایه
..
..
..
..
..
رضادور اختر تابان ، رضا عالملره سلطان
عزیز موسی ِ کاظم ، اولوب تاج سر ایران
کرم دریاسیدور والله ، ائدر سائللره احسان
آچیخدی باب اکرامی ، گدا و شاه و ترسایه
..
..
..
..
..
کیم ایستیر دعوت عشقی، بو درگاهه گدا اولسون
گرک خط ولایتده ، رضا اوندان رضا اولسون
هدف فرق ایله مز والله ، بقیع یا کربلا اولسون
سخاوت ملکینین شاهی ، ائدر قسمت احبّایه
..
..
..
..
..
مریض عشقی آگاه ائت که درد عشقه وار چاره
خلوص نیتیلن گل ، مقام و صحن دلداره
قسم وئروالی طوسی ، اوجا قامت علمداره
به اذن الله ائدر درمان ، زبس وارعشقی سقایه
..
..
..
..
..
محبّان ِ ولایتدن ، بیزیم شاهه سلام اولسون
نگارستان جنتدن ، بیزیم شاهه سلام اولسون
اون اوچ گلبرگ عصمتدن، بیزیم شاهه سلام اولسون
جلال و جلوۀ مشهد دگر جنّات الاعلایه
..
..
..
..
..
گلوب کیم محضر یاره ، صفای دل آلوب گئتدی
اولوب عطر ولا مستی ، غم آفاقه سالوب گئتدی
خداحافظ زمانیندا ، ئورک اوردا قالوب گئتدی
گتوردی قلب عشاقی ، رضا نوری تجلایه
..
..
..
..
..
رضاعشاقه محرمدور ، آدی هر درده مرهم دور
رضانین نام زیباسی ، تجلی بخش عالم دور
اونون تاثیر انفاسی ،چُنان عیسی بن مریم دور
«مُصیّب»یازبیزیم مولا،وئروبدور دم مسیحایه
..
..
..
..
..