ربانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
حاج اصغر فرشچی ( عدلی تبریزی)
.
آتامون باشی ویره بو یره سامانه گلوب
میهماندی بو گجه جانیمه جانانه گلوب
.
بو خرابه هارا عمه آتامون باشی هارا
باخورام صورتینه چوخ بلشوب قانه گلوب
.
ترک ایدوب جنّتی حتماً بورا گلدی دل آلا
یوسف فاطمه دورکلبۀ احزانه گلوب
.
وادی طوریدی بو یرمنه گرغمکده دی
اود سالا نخلۀ طوره دل سوزانه گلوب
.
لبلری چوخ قوریوب تشنه جگر دی بو بابام
گه کول اوسته گهی چوللر دولانوب جانه گلوب
.
ایستورم بو قورین لعل لبیندن بیراوُپم
سالا تا باد غمیله بورا طوفانه گلوب
.
منی گلدی آپارا همره اولام اوز باباما
می عشقیندن ایچیرده منی مستانه گلوب
.
بولوری جان به لبم خسته دلم گلدی بابام
قید غمدن قوتارا تا منی احسانه گلوب
.
بولوری بوردا آجام سینه ده حسرت یاراسی
ایستمور تا گوره چوخ بو قیزی افغانه گلوب
.
فرضیدی «عدلی» یازان مطلعی تکرار ایده سن
آتامون باشی ویره بو یره سامانه گلوب
.
#حضرت_رقیه_شهادت
#آتامون_باشی_ویره_بو_یره_سامانه_گلوب
#عدلی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید