آتان چکدی بلا یاحجت الله #عسکریه_معزی_اردبیلی

شهادت حضرت امام حسن عسکری علیه السلام
.
✍️زبدةالاشعار✍️
.
🆔: @nohe_torki
.
مرحوم معزّی اردبیلی
.
آتان چکدی بلا یاحجت الله
شهید اولدی آقا یاحجت الله
حسنجانم۲حسنجان
.
.
.
گیوبدور قاره شیعه یکسر آغلار
دیر مظلوم بالام وای حیدر آغلار
آنون زهرائیلن پیغمبر آغلار
آچوب باش انبیا یا حجت الله
.
.
.
وئروبدور معتمد مولایه زهری
زبس گلمیشدی جوشه بغض وقهری
گتوردی نالیه ظلمنده دهری
او شوم و بی حیا یاحجت الله
.
.
.
سرشگ محنته صورت بویاندی
یدی زهری جگرلرپارچالاندی
گوگردی اللری حالی دولاندی
ائدوب آه ونوا یا حجت الله
.
.
.
گه اگلشدی ایاقه گاهی دوردی
اورکدن طاقتی گئتدی اوتوردی
سنی بالینینه حضرت چاغوردی
دئدی ئولدوم بالا یاحجت الله
.
.
.
سسین آلدون یتیشدون آغلادون سن
دیزون اوستونده باشین ساخلادون سن
ئولنده گوزلرینی باغلادون سن
دئدون جانیم فدا یاحجت الله
.
.
.
اولا قربان حسینه آغلیانلار
عزاسینده قراسین باغلیانلار
ملالیندن جهانی داغلیانلار
یخلدی تپراقا یاحجت الله
.
.
.
جوانین گوزلری گزدی مناده
بیلوردی دوغرانوب قالمش عباده
پوزولدی محنتیندن فوق العاده
غریب کربلا یاحجت الله
.
.
.
ملولم سرور عطشان دیردی
یارالی حالیده جانان دیردی
باخاردی فاطمه جان جان دیردی
دیلینده ربّنا یاحجت الله
.
.
.
اورک قانین قاتوب گوزیاشه زینب
الین قویدی بلالی باشه زینب
گلوب باخدی سوسوز قارداشه زینب
دوشوب حالدان حالا یاحجت الله
.
.
#سبک_بیا_یابن_الحسن_آرام_جانم
واگیر برای این سبک :
بو غمده عالم آغلار
هامی قلبینی داغلار
خانم زهرا بو غمده
باشینا قاره باغلار
بو گون صاحب عزا صاحب زماندی
.
.
#سبک_کجایید_ای_شهیدان
#سبک_جوشی_زنجیر
.
.
.
#عسکریه_شهادت
#آتان_چکدی_بلا_یا_حجت_الله
#معزی_اردبیلی
#ترکی
.
✍️ #زبدةالاشعار ✍️
.
🆔: @nohe_torki