زبان حال حضرت علی (ع) در شهادت حضرت زهرا (س)
..
..
مرحوم تائب تبریزی
..
..
ای خدا دلده اولان تاب و توانیم گیدوب الدن
دویموشام جانه داخی روح روانیم گیدوب الدن
..
دائما گوهر شهوار توکن لعل لبیندن
بحر عفّت صدف پاک دهانیم گیدوب الدن
..
منه بیر دولت امنیتیدی صحبت زهرا
یوخ أمانیم داخی هر امن و امانیم گیدوب الدن
..
منی یالقیزلیوب اشرار غریبم وطنیمده
یاوریم یوخدی قوی یاور اولانیم گیدوب الدن
..
منه هم غم گونی یولداش همی قارداشیدی زهرا
همدمیم یوخدی قوای دل و جانیم گیدوب الدن
..
منه همسنگر و همدردیدی هم همدم و همسر
تک قویوب درد آرا بیله هَمَگانیم گیدوب الدن
..
داغلی سینمده چاتوب باش باشا داغلار بویی دردیم
درد آلان محرم اسرار نهانیم گیدوب الدن
..
او منیم حالیمه آغلاردی اونون نسکلینه من
منی آغلار قویوب اول اشگ فشانیم گیدوب الدن
..
فاطمیدی دل و جانیم همی شمشیر بیانیم
همی روحیم همی شمشیر بیانیم گیدوب الدن
..
فاطمیدی بو جهاندا هامی دنیاسی علی نین
گیتدی زهرائیله بیر جمله جهانیم گیدوب الدن
..
کمریم سندی داخی بو قوجا دنیاده قوجالّام
عالم پیرده زهرای جوانیم گیدوب الدن
..
او بهشتی گلی مجروح ایلیوب زاغ و زغنلر
سینه ده یاره گل باغ جنانیم گیدوب الدن
..
خستۀ غم اؤزی پهلوی شکسته یوزی نیلی
منی خم قامت ایدن قدّی کمانیم گیدوب الدن
..
نار نمروده دوشن صبر ایلین نور خلیلی
یارالی آتش ظلمیله یانانیم گیدوب الدن
..
آرزومی بو گوزومده قویان آغلار گوزومیله
گل آدی دائم اولان ورد زبانیم گیدوب الدن
..
دفنی گزلین دل شبده هم اولان مدفنی ایتگین
او گران قدر و بها گنج گرانیم گیدوب الدن
..
یوخ داخی فاطمه سیز منزلیمین ذوق و صفاسی
او صفا بخش وفادار روانیم گیدوب الدن
..
نجه من آغلامیوم سینه ده دنیاجه غمیم وار
یوخ داخی درد آلانیم درد ستانیم گیدوب الدن
..
تائبا حق دیسَن اول خانه نشین اولماقا حاضر
اولما دلگیر دیمه عزّت و شانیم گیدوب الدن
..
مرتضی ده دیدی حق خانه نشین ایتدیله ناحق
اولدی مظلوم دیدی حقّ عیانیم گیدوب الدن
..
..
#فاطمیه #تائب_تبریزی #فاطمیه_شهادت #ترکی #زبدةالاشعار
نظر دهید