کوچ اهل بیت عصمت و طهارت از کربلا
زبان حال حضرت زینب (س) در سر نعش برادر
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
مشابه
.
.
مرحوم تائب تبریزی
.
آخان کوی وفاده، سو تک قانی حسینیم
ائدن گلشن توحید، بو صحرانی حسینیم
.
بو پیکردی حسینیم، دوشوب قانینه غلطان
و یا قرمزی گلدور، اولوبدور بئله خندان
بو میدان بلانی، ائدوب طرفه گلستان
صفاخیز ائلیوب بو بیابانی حسینیم
.
.
اولان طینتی نور، بهشتیله سرشته
دیسم بو یره گلشن، تاپار نقص بو رشته
سنون گلشن عشقون، وورار طعنه بهشته
گورن ترک ایلمز بو گلستانی حسینیم
.
.
سنون قتلگهون تک، صفالی چمن اولماز
ائله گل لر آچوبدور، که حشره کیمی سولماز
بئله صحن گلستان، گوزل عطریله دولماز
دوتوبدور ائله عطرون، بو صحرانی حسینیم
.
.
هانی بیر چمن اولسون، بو اندازه صفاسی
هانی سن کیمی بیر گل، اولا بوی وفاسی
هانی من کیمی بلبل، اولا بیله نواسی
آلوب عطر گل اوللام، نواخوانی حسینیم
.
.
بو پیکردی دوتوبدور، بوتون کاری جراحت
بو قامتدی دوشوبدور، و یا شور قیامت
نه گل تک بدنونده، نشان وار نه علامت
ائدوبلر ائله پرپر، بو اعضانی حسینیم
.
.
بو گل جسمده واردی، عجب منظره قارداش
بو سینونده کی اوخلار، چاتوب بیر یره قارداش
بو زخم تنون اوخشار، گل پرپره قارداش
ائدوب بلبل شیدا، بو نالانی حسینیم
.
.
بو گلزار وجودون، آچوبدور گل توحید
اوخور دور و برینده، نچه بلبل توحید
حجازی نَغَمیله، آچوبلار دیل توحید
توکللر یوزه گوزدن، جگر قانی حسینیم
.
.
حسین باغلادون اول، بئله عهدیله پیمان
بو جانون ائده سن سن، فدای ره قرآن
وئروب باشوی ائتدون، اؤزون دینوه قربان
گوزل باشه آپاردون، او پیمانی حسینیم
.
.
ره دین خداده، رئیس الشهداسن
خدا ثارینه دلبند، اؤزون ثار خداسن
اؤزون تاج شهان سان، شه کرب و بلاسن
ندن بستر ائدوبسن، بو میدانی حسینیم
.
.
وئروب عهدیوی باشه، او مقصودیوه چاتدون
گوزل قانوی سن بو، گوزل توپراقا قاتدون
دوشوب یاره لی یاتدون، یاتانلاری اویاتدون
یاتانماز ایشیدن بو، قضایانی حسینیم
.
.
او قارداش باجیوخ ای گل گلشن طاها
که نازیله بیوتموش، بیزی سینه ده زهرا
بو زینب دونه سندن، دویا آیریلا حاشا
باجون دویمادی سندن، حسین جانی حسینیم
.
.
نه دور چاره سی وار نه، علاجی نیده زینب
ئورک دوزموری هرگز، سنی ترک ائده زینب
نئجه آیریلا سندن، کناره گئده زینب
ستمله آیروللار، بونالانی حسینیم
.
.
اگر ممکنیم اولسا، بو یرده قالارام من
بوصدپاره وجودون، کناره آلارام من
یووب یاره وی مرهم، الیمله سالارام من
ولی زینبوین یوخ، بو امکانی حسینیم
.
.
اویان رخت محبت، بو اطفاله گیندور
سنق دل لرینه وئر، صفا لطفیله دیندور
گیدور شامه عیالون، أؤزون ناقیه میندور
سوار ائت یولا سال بو صبایانی حسینیم
.
.
مسیحای بلاسن، بیر اعجاز نشان وئر
بو روحیه لر ئولموش، اؤزون روح روان وئر
کوچور قافله بوردان، دور آردینجا اذان وئر
دعا ایله بو جمعِ پریشانی حسینیم
.
.
باشون ایتمدی تعظیم، حسین اهل جفایه
جدا اولدی بدندن، گچوب نوک جدایه
سالوب نوک جدادن، سر زینبه سایه
او ساینده دولانّام، بو دنیانی حسینیم
.
.
شهامت سودی وئرموش، ازل دایۀ زینب
بو سایون اولار آرتار، بو سرمایۀ زینب
او سایونده جهانی، دوتار سایۀ زینب
بئله عترتین اولام، ثناخوانی حسینیم
.
.
بو سایون منه یاخشی، وئرر سیر مقامات
بو اطفالیله اوللام، حسین عازم شامات
همان سیرده قیلام، سنون حقوى اثبات
یتوررم هامی خلقه، بوعنوانی حسینیم
.
.
اولان عمدۀ منظور، بودور اهل عناده
که حقه چکه پرده، گئده قانون آراده
قیام ایلیوب ایله، نشان ویررم اراده
گیده قویمام آراده، همان قانی حسینیم
.
.
گزوب کوفه و شامی، من ای شاه فداکار
بیاناتیله قیلام، سنون حقّیوى اظهار
ائله صحبتیم ایلر،یاتان ملتی بیدار
که قویماز یاتا خلق مسلمانی حسینیم
.
.
ازل اولمادی امکان، آتام حیدره قارداش
دیسون شامده حقى، او ناحقلره قارداش
مریض اوغلون او یرده، گیدر منبره قارداش
اولار اوردا شریعت، سخنرانی حسینیم
.
.
او منبرده او اوغلون، ائدر بیر ائله غوغا
وورار بیربیره خلقی، سالار محشر کبرا
اولار زادۀ سفیان، داخی شامده رسوا
ائدر هامّی ملامت، او نادانی حسینیم
.
.
گورر زادۀ سفیان، که بیدار اولوب افکار
سوزه پرده چکنمز، ائدنمز حقى انکار
قالار چاره سیز آخر، ائدر حق لوقون اقرار
اؤزی منتشر ایلر، بو اعلانی حسینیم
.
.
وئرر دشمن جانی، سنه حقِّ مسلم
آدون شامی مسخَّر، ائدر ای شه عالم
همین شامده ووررام حسین آدینا پرچم
ائدر شهره او پرچم، او سامانی حسینیم
.
.
بو سوزده سنه «تائب»، بیر انگیزه لی دم وار
بو انگیزه لی دمده، بو طغیان قلم وار
بو طغیان قلمده، بئله اودلی رقم وار
دیوب باجی سی سو تک، آخان قانی حسینیم
.
.
#کوچ_کربلا #تائب_تبریزی
#آخان_کوی_وفاده_سو_تک_قانی_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید