آباد اولان گویلومی ویرانه ائدیبسن #غزل #فانی_تبریزی

عاقل دیوانه
.
✍️ #زبدةالاشعار ✍️
.
🆔: @nohe_torki
.
فانی تبریزی
.
آباد اولان گویلومی ویرانه ائدیبسن
یاخشی گوزلیم عاقلی دیوانه ائدیبسن
.
سرمست و خراب اولدی گورن چشم خمارون
می دولدوروب اول گوزلری پیمانه ائدیبسن
.
عاشقلریوی شمع صفت آتش عشقه
سرگشته اولوب یانماقا پروانه ائدیبسن
.
هر قدر گوزللیق واریمیش کون و مکاندا
گول یوزده یغیب اونلاری بیر دانه ائدیبسن
.
آشفته اولوب زلف سیاهین کیمی حالیم
تا زلف پریشانی گوزل شانه ائدیبسن
.
هجر آتشینه یاندی اورک وعدۀ وصلی
بولمم ندن افسونیله افسانه ائدیبسن
.
زاهد دئدی آز حسنونی وصف ایله، دئدیم من
بو سوزلریله عاقلی دیوانه ائدیبسن!
.
دنگ ایلمه ای شیخ اوتان مسجدی سنده
مین حیله و تزویریله بتخانه ائدیبسن
.
«فانی» داخی بسدور بو قدر ائتمه گلایه
ائللر بوله جاق همت مردانه ائدیبسن
.
استاد سخن باخسا اگر طرز کلامه
سویلر نه گوزل بحث ادیبانه ائدیبسن
.
.
#غزل #فانی_تبریزی
#آباد_اولان_گویلومی_ویرانه_ائدیبسن
#ترکی
.
✍️ #زبدةالاشعار ✍️
.
🆔: @nohe_torki