آخشامدیر، ایل؛ اوزاقلیق ایلی، آی: خزان آیی #فاطمیه_علی_شهودی

شهادت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
علی شهودی
.
آخشامدیر، ایل؛ اوزاقلیق ایلی، آی: خزان آیی
چینینده بیر گونش آپاریر باغری قان آیی
.
داغلار باخیر یانیق – یانیق اولدوزلار آغناییر
یولدان چاتیبدیر آل گونشین امتحان آیی
.
تابوته تیکدی قلبینی غم غصّه نین اوخی
تشییع ائدنده اول گئجه قدی کمان آیی
.
بیلمم نئجه یئتیشدی او ایتگین یئره گونش
تاپشیردی توپراقا سارالان ، مهربان، آیی
.
یوخ بلکه ده سولار اَل اَله وئردی قویلادی
نم هانسی گولده گول کیمی رنگی آتان آیی
.
گوردوم طبیعتین گوجونو ائیله دیم یقین
گویده ن یئره گتیرمگ اولارمیش گومان ،آیی
.
یئل اوخشائیر :دایان ،گونشین آرخاسی دایان!!
ماوی گویونده گئج چیخیب آی تئز باتان آیی
.
ای عصمتین عصاره سی ای خلقتین گولو
ای گویلرین ایشیقلی یئری ، پارلایان آیی
.
خلق ایچره کیم ایشیقلیقا ایستر مثل چکه
باش قالدیرار سمایه وئرر تئز نشان آیی
.
بوندان سورا سنین بو نیشان سیز مزارینی
قالدی گله نشان وئره او جمکران آیی
.
.
#فاطمیه_شهادت
#آخشامدیر_ایل_اوزاقلیق_ایلی_آی_خزان_آیی
#علی_شهودی
#ترکی
.
✍️ #زبدةالاشعار✍️
.
🆔: @nohe_torki