شهادت حضرت ابوالفضل عباس(ع)
.
.
سبک اصلی :#سبک_ای_کربلانون_تشنه_لب …
سبک های دیگر : #سبک_ای_درد_بی_درمانلارا … #سبک_یا_فاطمه_من_عقده_دل_وا_نکردم … 10 سبک
مشابه
.
.
.
مرحوم رهبری تبریزی
.
.
.
آچ گوزلرون یاتما اویان قارداش ابوالفضل
ای قارداشین آغلار قویان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
آلدوم سسون گلدیم یتم فریاده قارداش
سن سسله دون قارداشیوی امداده قارداش
من قالمارام سنسیز داخی دنیاده قارداش
هجرینده اولدوم باغریقان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
سانسیز قوشون یوخ بیر کمک بی یار و تنها
شورا قوروبلار قتلیمه بوقوم اعدا
سنسیز منه محشر اولار بو چولده برپا
سنسن بیر امداده قالان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
گلدیم یولی چوخ زحمتیله باشین اوسته
گوردوم یارالی دوشموسن چوخ زار و خسته
اولموش فنا عمروم منیم بیر تاره بسته
سنسیز فنادور بو جهان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
گوردوم گوزل بوقامت زیبانی یرده
دردون گتوردی قلبیمی عباس درده
ایستوردوم هم آغوش اولام حسرتله بیرده
قولسوز گوروب ایتدیم فغان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
اطرافیوی گوردوم آلوب قوم ستمگر
الده دوتوبدور هر بیری بیر قانلی خنجر
ایستولّه کَسّونله باشون فرزند حیدر
بی رحم قوم کوفیان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
من یانمورام تک بوغم درد و فراقه
هیچ یرده ائتمزله بیله ظلمی قوناقه
گلسه اله جسمون اوزوم آلام قوجاقه
گر یوخدی جسمیمده توان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
دشمن باخور دور ای منه مهر و وفالی
سالما بو تیزلیقدا اوزون مندن آرالی
قارداشوام سس ویر منه اویان یارالی
سیلّم گوزون قانین اویان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
آگاهسن انصاریمى الدن آلوبلار
اهل حرم بو دشتیده بیکس قالوبلار
جرأت ایدوب قولاریوی تندن سالوبلار
گللر هامی اولموش خزان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
ای معدن جود و سخا باب الحوائج
یوخ رهبرینی درک ایدن اوزگه معالج
بحر ملال وهمّدن سن ایله خارج
اولسون حسین تک نوحه خوان قارداش ابوالفضل
دور گوز یاشیم قانه دونوب
قلبیم یانور اوغلوم ئولوب
ای وای ابوالفضل
.
.
#عباسیه #رهبری_تبریزی
#عباسیه_شهادت
#آچ_گوزلرون_یاتما_اویان_قارداش_ابوالفضل
#ترکی
#زبدةالاشعار
نظر دهید