شهادت امام حسن مجتبی علیه السلام
.
✍️ زبدة الاشعار ✍️
.
🆔: @nohe_torki
.
مرحوم غلامعلی باقری الهامی ( هوشی تبریزی)
.
آرام جانیم ای شه بطحا حسینیم
مسموم ایدوب قارداشیوی اعدا حسینیم
.
قارداش غمینده صبر ایله قارداش آز آغلا
سن آغلاسان آغلار آنام زهرا حسینیم
.
.
.
بیر عمراولان آفاقیده غم آشناسی
سالدی داخی دلدن منی چرخین جفاسی
بیر بیله درده دوشموشم یوخدور دواسی
قالموب و جودیمده داخی یارا حسینیم
.
.
هر تیرغم گلدی منی ایتدی نشانه
دوزدوم دایاندیم گلمدیم اصلا فغانه
آگاهسن یوخ حاجتی شرح و بیانه
نه ظلم لر ایلوب منه اعدا حسینیم
.
.
هر لحظه قلبیم آتش آلامه یاندی
اوج ایلیوب آهیم اودی عرشه دایاندی
داغلار کیمی بو سینمه غملر قالاندی
یوز ویردی هر دم مِحنت عظما حسینیم
.
.
ای هر مصیبتده منه یولداش آز آغلا
توکمه عذاره بیر بیله قانیاش آز آغلا
آغلاتما جان اوسته منی قارداش آز آغلا
ای گلشن غمده گل زیبا حسینیم
.
.
ای مجتانون دهریده جان عزیزی
اولما فراق ایاّمونون چوخ اشگریزی
قویما ابوالفضلیم چکه شمشیر تیزی
غیضه گله اول فارس هیجا حسینیم
.
.
مانع اولالّار دفنیمه بو قوم اعدا
مندن وصیّت دور سیزه صبر ایتماق امّا
بو امره راضی اولمارام من قارداش اصلا
دفنیمدن اوتری اولسا گر دعوا حسینیم
.
.
اشرار کینه ظلمه بیر شورا قورلّار
تیر و کمان الده گلوب یکسر دورلّار
کین اوخلارین تابوتیمه قارداش ورولّار
مجروح اولار مسموم اولان اعضا حسینیم
.
.
حقدن مقّدر دور یقین اهل حقیقت
هر دوریده گورسون گرکدور چوخ مصیبت
من باشه ویردیم عهدیمی تاپدیم فراغت
غملر ولی قالدی سنه تنها حسینیم
.
.
.
اولموش ازل گوندن مشیّت اقتضاسی
سالسون منی دلدن عدو زهرین جفاسی
امّا سنون وار باشیوین بیحد بلاسی
ایلر او عالم صبریمی یغما حسینیم
.
.
گرچه منه مدفن دگول جدّیم جواری
بیر شهریده واقعدی قبریمله مزاری
امّا سنه مدفن اولار غربت دیاری
بیله ازلدن ثبت اولوب طغرا حسینیم
.
.
من گرچه دوزدوم دهریده چوخ ابتلایه
امّا دوشر باشون سنون بیحد بلایه
امر قضا آخر چکر کربوبلایه
اوردا قوپار بیر محشر کبرا حسینیم
.
.
سانما جفادن اهل کین قارداش دویالّار
قلب جهانی تیر ظلمیله اویالّار
صد چاک اولان گل جسموی عریان قویالّار
آغلار سنه دنیا و ما فیها حسینیم
.
.
#هوشی بیزه بیر عمر دورنوحه سُرا دور
پر سوخته پروانۀ شمع عزا دور
درگاهیوه امیدیله گلمیش گدادور
لطف ایله اولسون عزّته دارا حسینیم
.
.
.
#سبک_ای_درد_بی_درمانلارا … 10 سبک
.
#حسنیه_شهادت
#آرام_جانیم_ای_شه_بطحا_حسینیم
#هوشی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید