زبدةالاشعار

بوگون تاج ولایت باشینه قویدی شه والا #حیدریه_رضوی_زنجانی

غدیریه
.
✍️ زبدة الاشعار ✍️
.
🆔: @nohe_torki
.

سبک_شب_میلاد

مشابه

.
رضوی زنجانی
.
بوگون تاج ولایت باشینه قویدی شه والا
على المرتضى اولدی جهانه سرور و مولا
وصى مصطفى – اولوبدی مرتضى
.
.
غدیر خُم اولوب وجده بوگونده شیعیان گلدی
یره خلاق داوردن پیام جاودان گلدی
اورکدن شاد اولوب نطقه امیر کاروان گلدی
بویوردی جانشینیمدی اوگونده سرور بطحا
.
.
اودم که اجتماع ائتدی او یرده کعبه حُجاجی
گوروبلر مرتضانین وار باشیندا رحمتین تاجی
ولایت تا اولوب اعلان على نين اولدی معراجی
نه یاخشی جانشین ائتدی ئوزینه حضرت طاها
.
.
وصي خاتم مرسل بوگون فخر خليل اولدی
علی نین ضامنی حقاً خداوند جلیل اولدی
بو ایشده آیه ی قرآن خدا حکمی دلیل اولدی
جهانه جلوه سین سالدی همان ماه جهان آرا
.
.
على فخر جهان اولدی بو شیعه شادمان اولدی
ولایت حکمی مولایه اوگون واضح بیان اولدی
علی المرتضی فخر زمین و آسمان اولدی
تاپوب آرامش روحی بوگونده چون دل دنیا
.
.
خدا امر ایلدی اولدی او گونده حیدره بیعت
ائدیب جن و ملک یکسر او ماه أنوره بیعت
سویندی فاطمه ائتدی وفالی همسره بیعت
خداونده ائدیب سجده دوروب شکر ایلدی زهرا
.
.
علينی تا شه لولاک برینده جانشین ائتدی
مطيع خالق سبحان بوگون تکمیل دین ائتدی
علينی دین اسلامه امیر ائتدی امین ائتدی
ائدوبلر بزم شادینی گوی اهلی عرشیده برپا
.
.
جهانه رهنما حیدر سنه جانیم فدا حیدر
بو جمعه قيل عطا حیدر گل باغ وفا حیدر
دیون باهم ایا حیدر ائدر درده دوا حیدر
شه خیبر شکن مولا علی بی مثل و بی همتا
.
.
#غدیریه
#بو_گون_تاج_ولایت_باشینه_قویدی_شه_والا
#ترکی
.
✍️ زبدة الاشعار ✍️
.
🆔: @nohe_torki

متن پیشنهادی:  سوزر گئجه چاقی گوگده ستاره لر یارالی #حضرت_رقیه_معزی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی