محرم گلیر شیعه آماده اول #ورود_محرم_مهدی_نجفلو

محرم گلور
..
..
مهدی نجفلو
..
..
محرم گلیر شیعه آماده اول
حسینه قرا گیدون افتاده اول
بویانما اوتوز رنگیله ساده اول
زیانکار مسلمانی نئیلیر حسین؟
اوتوز دیللی نادانی نئیلیر حسین؟
..
..
حسین عاشقینده لیاقت گرک
حیا و وفا و صداقت گرک
حسینیله آز چوخ رفاقت گرک
ریا پیشه انسانی نئیلیر حسین
اوتوز دیللی نادانی نئیلیر حسین
..
..
حسینیله بیعت ائدن پاک اولار
ستمگر قباقینده بی باک اولار
گورن لحظه مظلومی غمناک اولار
مریدان شیطانی نئلیر حسین
اوتوز دیللی نادانی نئیلیر حسین
..
..
حسینچی باش اگمز مقامه پولا
ستم ائیله مز پولسوزا یوخسولا
ایوینده دولاندیرماز ایت یا تولا
تولا باز پریشانی نئیلیر حسین
اوتوز دیللی نادانی نئیلیر حسین
..
..
اولارکی اولوب شیعۀ بوتراب
اوزی با حیادیر خانیم با حجاب
حسین قلبینی شیعه ائتمز کباب
حیاسیز مسلمانی نئیلیر حسین
اوتوز دیللی نادانی نئیلیر حسین
..
..
نجفلو حسینون یولون دوز تانی
کی دین اوسته آخدی او شاهون قانی؟
حسینون قانی ساخلادی قرآنی
عملسیز نواخوانی نئیلیر حسین
اوتوز دیللی نادانی نئیلیر حسین
..
..
#ورود_محرم #مهدی_نجفلو #ترکی #زبدةالاشعار