زبانحال حضرت صغری (س) در مدینه
.
#زبدةالاشعار
.
: @nohe_torki
.
.
#سبک_زینبم_جان_اوستیم … 4 سبک
پخش‌کننده صوت
مرحوم حاج رضا صراف تبریزی
.
آغلارام سند‌ن سورا قارداش علی زار آغلارام
آغلارام تا هر قَدَ‌ر جانیمدا جان وار آغلارام
.
.
سن گئد‌ن گوند‌ن وطن سن سیز منه زندان اولوب
سربسر معمورۀ عیشیم علی ویران اولوب
دامنیم تر روزگاریم تیره اشکیم قان اولوب
اولموشام سر تا به پا بیر ابر خونبار آغلارام
.
.
آغلارام چون آغلاماق راز نیازیم دیر منیم
یالقیز ائوده گوشۀ غم بزم رازیم دیر منیم
تار زلفون حاصلِ عمرِ درازیم دیر منیم
نیلیوم چنگیمده اوندان یوخدو بیر تار آغلارام
.
.
سن همیشه بالش ناز اوسته قوی باشین علی
شمع تک دؤرونده یانسین قوم قارداشین علی
اولموشام بو کنج غمده منده نقّاشین علی
چکر‌م دیواره نقشین رو به دیوار آغلارام
.
.
نه طبیبیم وار اولا غم بسترینده دادرس
نه انیسیم وار اولا آخر نفسده هم نفس
آغلامیم نیلوم اولوب دنیا منه کنج قفس
گِتدی گول خوار اولدو بلبل سولدی گلزار آغلارام
.
.
ظاهر صورتده گر چه شور سودور گؤز یاشی
عاشق بی رنگ بویه رنگ بودور گؤز یاشی
بیلمیشم چون اهل عشقه آبرودور گؤز یاشی
اولموشام درد غم عشقه گرفتار آغلارام
.
.
من مریض درد عشقم یوخدو درمانیم منیم
چوخ خوشام بو دردیلن راحتدی چون جانیم منیم
قورخارام دوتسون اَجل آخر گریبانیم منیم
دوشمه سین بیرده الیمه دامن یار آغلارام
.
.
خستۀ رنجورِ تب دارم علیلم ناخوشام
من سنون بیماریوام دنیاده بیر دنیا خوشام
آتش عشقیله چون یانماقدا سر تا پا خوشام
بیلور‌م سو تؤکسن آرتار شعلۀ نار آغلارام
.
.
رشتۀ صبریم چخیب چون اختیاریمدان منیم
اهل یثرب زاره گلمیش آه زاریمدان منیم
قوم قارداشیم بوتون گِتمیش کناریمدان منیم
یوخ کناریمده بغیر از اشک گلنار آغلارام
.
.
اولموشام غملر اسیری بیر دگیل آخر غمیم
درد هجرین مونسیم اولموش خیالین همد‌میم
بیر نفر باد صباد‌ن اؤزگه یوخدور محر‌میم
شرح حالیمد‌ن سنی ائتسین خبردار آغلارام
.
.
شیوه دور چون دردمند بی‌قراره آغلاماق
آغلارام ایلر گینه هر درده چاره آغلاماق
یتور‌ور قارداش علی چون یاری یاره آغلاماق
قسمتیم بلکه اولا دیدار دلدار آغلارام
.
.
گؤزده بو گؤز یاشی ای «صرّاف» اگر چه خاردور
آب شور کم بها دور جنس بی مقداردور
باطناً هر قطره سی بیر لؤلؤ شهواردور
بو متاعه چون پیمبردور خریدار آغلارام
.
.
#آغلارام_سند‌ن_سورا_قارداش_علی_زار_آغلارام
#ترکی
.
زبدة الاشعار .
: @nohe_torki
نظر دهید