شهادت امام رضا (ع)
.
زبدة الاشعار
.
: @nohe_torki
.
مرحوم دلریش
.
آغلاروق حشره کیمی بو غم و محنتده سنه
وئردیلر زهر جفا کینیله غربتده سنه
یاغریب الغربا
یامعین الضعفا
یا انیس الفقرا
.
.
یتوروب قتله سنی زهریله هارون دغا
جمع اولوب شیعه لرون ایلدیلر شور و نوا
گوتدیلر غربتیلن نعشیوی ای کان سخا
دوتدیلر تعزیه اوچ گون او ولایتده سنه
.
.
سن ئولن وقتیده ای پادشه کون و مکان
گلدی اوغلون یانیوا الده عمامه او زمان
آلدى باشون دیزینه باشلادی فریاد و فغان
بیر سعادتدور انیس اولماق او ساعتده سنه
.
.
.
نئجه یاددان چیخادور شیعه بو درد و محنون
اهل بیتون یوخیدی حین مماتونده سنون
لیک بی غسل و کفن قالمادی اوچ گون بدنون
وورمادی یاره عدو وقت شهادتده سنه
.
.
اولدی بو غملی گوگول نالیه آماده گینه
وار یری پیر و جوان گلمگه فریاده گینه
دوشدی شاه شهدا کرب و بلا یاده گینه
یاحسین ناله ائداق هانسی مصیبتده سنه
.
.
گاهی قتله یتوروب اهل جفا اکبریوی
گاه اوخلاردیا ال اوسته علی اصغریوی
گاه بذل ایلدون انگشتیله انگشتریوی
دوزدون هر ظلم یتوب راه محبتده سنه
.
.
آه او وقتدن که سنون لشگر عدوان بدنون
ایلدیلر هدف ناوک پیکان بدنون
سویدیلار قویدیلا میدانیده عریان بدنون
نیلدی زینب اوگون تاپدی او حالتده سنه
.
.
اون ایکی ضربتیله کسدیلر عطشان باشیوی
ووردیلار نیزیه اول مهر درخشان باشیوی
ایلدی خولی عجب آخری مهمان باشیوی
وئردی یر کینیله بیر گوشۀ خلوتده سنه
.
.
«دلریشا» تا نقدر وار نفسون لیل و نهار
آغلا حضاریله بو سروره اول تعزیه دار
دوت حسین دامنینی باک ائلمه روز شمار
اولو بی شک شفیع هول قیامتده سنه
.
.
#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و …
.
.
#رضویه_شهادت
#آغلاروق_حشره_کیمی_بو_غم_و_محنتده_سنه
#دلریش
#ترکی
.
#زبدةالاشعار
.
: @nohe_torki
نظر دهید