آغلاما ای دخت شهبانوی اسلام آغلاما #حسنیه_هادی_تبریزی

شهادت حضرت امام حسن (ع)
زبانحال امام حسن (ع) به حضرت زینب (س)
.
#زبدةالاشعار
.
: @nohe_torki
.
مرحوم هادی تبریزی
.
آغلاما ای دخت شهبانوی اسلام آغلاما
حجّ عشقه کوفه ده یوخ سنده احرام آغلاما
.
.
آتش عشقیله قلبون چوخ یانوب داغلانمیوب
قارداشون مسموم اولوب تابوتیده اوخلانمیوب
کربلاده قول قوقولا آل علی باغلانمیوب
اولمیوبدی منزلون ویرانۀ شام آغلاما
.
.
آتش آهیله قلب آسمانی داغلاسان
غم یولون خوشدور که سدِّ طاعتیله باغلاسان
صبر ایله تا قتلگاه کربلاده آغلاسان
کوفه و شامه ایدن وقتینده اعزام آغلاما
.
.
دادگاه کفریده قانون قوم مشرکین
اولمیوب تصویب و اجرا ایتمیوبدی اهل کین
بیر چوخور یرده شهنشاه و امیرالعاشقین
اولمیوبدی ظلمیله محکوم اعدام آغلاما
.
.
ابر خون آلتیندا ماه آل هاشم باتمیوب
سینه سینده باش باشا سنبل کیمی اوخ چاتمیوب
قارداشون مطبخ سراده کوللر اوسته یاتمیوب
ایتمیوبدی دیریده تبلیغ اسلام آغلاما
.
.
اوخ یاراسی یوخدی سالمدی حسینون پیکری
قان یره یاغدورمیوب شمر ستمگر خنجری
قالمیوبدی ساربانون اللرینده اللری
قارداشوندان اولمیوبدی نقض اندام آغلاما
.
.
سو کیمی قانی حسینون توپراق اوسته آخمیوب
گوزلری هر دم سنه نوک جدادن باخمیوب
اوز آغارمیش زلفینه زهرا او قانی یاخمیوب
اولمیوبدی شهرتون دنیاده گمنام آغلاما
.
.
روحیوی دست طبیعت اینجیدوبدی سخمیوب
خرداجا بیر قیز خیمدن نصف شبده چخمیوب
ویرمیوبدی ساربان کینه پرور یخمیوب
ویرمیوبسان سر زمین عشقده گام آغلاما
.
.
توکمه رخساره سرشکون چکمه آه و ایتمه داد
باتمیوبدی قان ایچینده ماه و خورشید وِداد
کوفه ده ایمدی دگول فرمانروا ابن زیاد
ایتمیوبدی قتلیوه بزمینده اقدان آغلاما
.
.
قیلمیوبسان سن نمازون ناقۀ عریانیده
سنمیوبدی زورقون گردابیده طوفانیده
قالمیوبسان کوفه شهرینده هله زندانیده
احترام ایلور سنه بو قوم بدنام آغلاما
.
.
حسرتیله توکمه گل رخساریوه گوز یاشیوی
سالمیوبدی نطقدن بیر داش باجیم قارداشیوی
معجرون قانلی دگول چون یارمیوبسان باشیوی
اختیار ائت زینبا بیر صبر و آرام آغلاما
.
.
دشمن خونخوار وحشی ایمدی کامه یتمیوب
خنجری شمرین حسینین حنجرین اینجیتمیوب
بیر گل اوستونده یاتان باش پای داره گیتمیوب
تاپمیوبدی ظلم اهل کین سر انجام آغلاما
.
.
کوفه ده یول کاروانون شهر شامه سالمیوب
دوره وی الده سنان و نیزه دشمن آلمیوب
اوچ یاشیندا خردا جا قیز یول اوسته قالمیوب
ایتمیوبس سن اونی تاپماقه اقدام آغلاما
.
.
دست بدعتدن عدو منشور ظلمی آلمیوب
آز یولون دروازۀ ساعاته زینب قالمیوب
نیزه دن اعدا کسیک باشی یر اوسته سالمیوب
انتقامین آلمیوب مروان ظلام آغلاما
.
.
سرنوشتون دونمیوب افسونیدن افسانیه
ویرمیوب اود شعلۀ شمع ستم پروانیه
دوشمیوبدی خط سیرونده یولون ویرانیه
اوچ یاشندا باتمیوب بیر ماه گلفام آغلاما
.
.
«هادیه» بیر گوشۀ چشمیله قیل لطفا نظر
«اصغر خاقانی» و «مسعودیله» ایتسون گذر
کربلایه تا «جوانشیریله» اوچ شوریده سر
قالمیا تا سینه لرده درد و آلام آغلاما
.
.
.
.
#حسنیه_هادی_تبریزی
#حسنیه_شهادت
#آغلاما_ای_دخت_شهبانوی_اسلام_آغلاما
#ترکی
.
#زبدةالاشعار
.
: @nohe_torki