زبانحال مادر شاهزاده علی اصغر (ع) در حال حیات
.
.
✍️ #زبدةالاشعار ✍️
.
🆔: @nohe_torki
.
.
#سبک_کربلا_قبله_عشقیمدی_منیم
#سبک_کوفیان_گور_نجه_یاندیردی_منی
مشابه
.
مرحوم شانی تبریزی
.
آغلاما ای گل خندانیم اوغول
نیلیوم یوخ سووا امکانیم اوغول
.
.
ای گل نورس گلزار وفا
باغلیوب سویولونی اهل جفا
قویمیوب سنده عطش رنگ و صفا
سارالوب سولدی گلستانیم اوغول
.
.
ای یوزی صورت جانانه زجاج
هم سوسوزسان بولورم سن همی آج
نیلیوم واردی الیمده نه علاج
قوریوب هر ایکی پستانیم اوغول
.
.
سنه باخدوقجا بالا اودلانورام
یوخ علاجیم ندی دردون قانورام
منده سن تک سوسوزومدان یانورام
آلشور سینه سوزانیم اوغول
.
.
گوزیوه اوچ گئجه دور گلموری خواب
یورولوب خسته دی بیچاره رباب
سهلدور عمه لرون اولدی کباب
یاندی بوجمع پریشانیم اوغول
.
.
ایلوری رنگ رخون حالوی فاش
ساکت اول ایلمه بیر بیله تلاش
داغلانان سینمی چوخ ایتمه خراش
بویادى اللروی قانیم اوغول
.
.
بولور عالم بونی ای طاقتی طاق
رسم دور بو سود امر یوخلار اوشاق
بو قوری سینه او خشکیده دوداق
وار عجب حالوه میزانیم اوغول
.
.
آغلاماقدان دوتولوب بیله سسون
یا دوشوب یوخسا شماره نفسون
تنگ اولوب طایر روحه قفسون
نطقه گل مرغ خوش الحانیم اوغول
.
.
بالاجا گوزلرون آچ باخ یوزیمه
تا ویروم بیرجه تسلّی اوزیمه
بونه حالتدی بالا کول گوزیمه
چخماز آخر نیه بس جانیم اوغول
.
.
گر چه چوخ گل هامی گلشنده سولار
آچمامش غنچه سولا مشکل اولار
سارالان رنگوه باخدوقجا دولار
ابر تک دیدۀ گریانیم اوغول
.
.
نسگلیم آرتار آچاندا گوزیوی
باسارام باغریما جان تک اوزیوی
قیمارام أوپماقا اما یوزیوی
اود ویرور چون لب عطشانیم اوغول
.
.
اوزگه بیر شوقیله نچه آی علی
گجه گوندوز دئمیشم لایلای علی
ایمدی یانّام دیرم ایوای علی
اوجالور گوگلره افغانیم اوغول
.
.
#شأنی بو طفل ربابون گوزیدور
دم ویرن نوحیه مطلق اوزیدور
سوز ربابوندی نه صابر سوزیدور
آغلاما ای گل خندانیم اوغول
.
.
#اصغریه_شانی_تبریزی
#اصغریه_شهادت
#آغلاما_ای_گل_خندانیم_اوغول
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید