رأس مطهر امام درخرابه ی شام
.
.
.
#سبک_خیمه_نی_سیلمیشم
مشابه
.
.
.
مرحوم یحیوی اردبیلی
.
آغلاما بلبلوم ای سکینه گلوم
قلبیمی ائتمه القان دردیوه گلدی درمان
بو قرانلوق گئجه اولدی باخ گور نجه
منزیلون نوره باران دردیوه گلدی درمان
.
آغلاما نازدانه م
گلدی عطشان حسینیم
اوپ سوسوز لبلریندن
عرض ایله جان حسینیم
.
.
.
ای شریک غمیم هر گئجه همدمیم
مهربان پادشاهون ایندی گلدی سفردن
باشوی قوی قزیم سینه مون اوستونه
گلدی امّیدگاهون سن قوتاردون خطردن
رنگ رویون سولور بیله معلوم اولور
آیریلورسان بی بوندن زینب دربدردن
ناتوان جانیوه چشم گریانوه
زینبون جانی قربان دردیوه گلدی درمان
.
.
.
غمزده عترتین گورمگه شاه دین
کنج ویران سرانی وادی طور ائدوبدور
موسیان حقّینه بیر نجلّا یتوب
بزم آل عبانی روشنا نور ائدوبدور
بانی کعبه نون وارث اعظمی
اول خرابه مکانی بیت معمور ائدوبدور
قانلو لبلر دگوب بیربیره سسلدی
یا سکینه دور الآن دردیوه گلدی درمان
.
.
.
قان دوتان گوزلرین آچدی سلطان دین
باخدی آل عبایه زینبی ائتدی آواز
السّلام ای آنام یادگاری باجی
ای حسین غریبون هر بلاسینده همراز
قویما چوخ آغلاسون نازدانه بالام
عمری باشه یتوبدور دار دنیاده قالماز
دور نوازش ایله سن او شیرین دیله
سویله اولما پریشان دردیوه گلدی درمان
.
.
.
راس شاهی آلوب ناز پرور قزی
جان کیمی سینه سینده ساکن اولدی کسوک باش
اللریندن اؤپوب گوزلریندن اؤپوب
عرض ائدوبدور باباجان بیر منیله قوجاقلاش
شاه ائشیتدی سؤزین آچدی قانلو گوزین
گل بالام گل قزیم گل آغلاما توکمه قانیاش
قوی سارالمیش یوزون قانلو رخساریمه
چخمیوبسان یادیمدان دردیوه گلدی درمان
.
.
.
بیر سؤال ایلدی نازپرورده سی
عالمی یاندیروبدور بو یانیقلی سؤزیندن
عرض قیلدی بابا هاردادور اکبریم
هیچ منی یاده سالماز وار گلایم اوزیندن
چوخ مؤثر اولوب پادشاهه بو سؤز
کیپریگی سانی توکدی قانلو یاشی گوزیندن
گل سکینم گئدک قارداشون اکبره
بو گئجه وقتی مهمان دردیوه گلدی درمان
.
.
.
#حضرت_رقیه_یحیوی_اردبیلی
#حضرت_رقیه_شهادت
#آغلاما_بلبلوم_ای_سکینه_گلوم
#ترکی
#زبدةالاشعار
نظر دهید