خروج از مدینه
زبانحال حضرت صغری (س)
.
زبده الاشعار
.
: @nohe_torki
.
مرحوم میرمحمود آقا شوری تبریزی
.
آغلاما صغری باجون قربان علی گوز یاشیوه
بیر ایاق ساخلا باجون دورسون دولانسون باشیوه
.
.
لطف ائدوب یاده سالوبسان سن بو وقتیمده منی
وار یری بو بینوانون عرشه چخسا شیوه نی
نیلیوم یوخ چاره گئت اللهه تاپشوردوم سنی
بیر ایاق ساخلا باجون دورسون دولانسون باشیوه
.
.
نصف شب بو گلماقون صغرایه چوخ ایلور اثر
بولمورم آیا نه واردور گیموسن رخت سفر
حالیمی پوزدی منیم چوخ قلبیمی دوتدی کدر
بیر ایاق ساخلا باجون دورسون دولانسون باشیوه
.
.
من دئمم قارداش عراقه گئتماقون گل ترک ائله
بیر بیله ساعت علی بیرده چتین دوشسون اله
بیرجه گل اگلش ائداخ صحبت غنیمتدور هله
بیر ایاق ساخلا باجون دورسون دولانسون باشیوه
.
.
رحم قیل قارداش علی بیر باخ منیم گوز یاشیما
بو سفردن قورخورام توکسون فلک کول باشیما
حسرتیم قالسون گوزیمده سن کیمی قارداشیما
بیر ایاق ساخلا باجون دورسون دولانسون باشیوه
.
.
آغلورام من دؤزمورم سن بو یول اوسته آغلاما
سیل تک رخساریوه بو گوز یاشیوی باغلاما
من علیلم ناخوشام بو سینه می سن داغلاما
بیر ایاق ساخلا باجون دورسون دولانسون باشیوه
.
.
اول قد شمشادیوون قارداش بلاسین من آلوم
گوزلروندن بیر اؤپوم قول بوینووا بیرده سالوم
اولما راضی من تک ائولرده علی یالقوز قالوم
بیر ایاق ساخلا باجون دورسون دولانسون باشیوه
.
.
باخ نجه گور بو کُمیت روحیم آردونجا چاپار
ممکنون اولسا منی قارداش یانونجا سن آپار
بو مریضه سنلن اولسا بول یقین صحّت تاپار
بیر ایاق ساخلا باجون دورسون دولانسون باشیوه
.
.
من نجه هجران غمینده بحر غمده باتمارام
صبر ائدوب خون جگر بو گوز یاشیما قاتمارام
صبح اولونجان هر گجه سن گلمیینجه یاتمارام
بیر ایاق ساخلا باجون دورسون دولانسون باشیوه
.
.
من باخوب یانّام سنون بو حالیوه قارداش علی
سن ندن جاری ائدرسن عارضه قانیاش علی
قالمیا سندن صورا صغری ئوله ای کاش علی
بیر ایاق ساخلا باجون دورسون دولانسون باشیوه
.
.
بو باجی قارداشی ائت الده وسیله شوریا
عرض قیل یارب عطا قیل جمعیلن بیر کربلا
باشلیاخ بو نوحه نی اوردا دوتاخ بزم عزا
بیر ایاق ساخلا باجون دورسون دولانسون باشیوه
.
.
#سبک_زینبم_جان_اوستیم ( 4 سبک سینه و زنجیر تک ضرب )
.
.
#خروج_مدینه
#حضرت_صغری
#آغلاما_صغری_باجون_قربان_علی_گوز_یاشیوه
#شوری_تبریزی
#ترکی
.
#زبدةالاشعار
.
: @nohe_torki
متن های پیشنهادی برای شما
زادۀ حیدرم سلطان عشقم #حسینیه_مصیبی_تبریزی
«شور ولایت از زبان آقا ابی عبدالله(ع) » . . . #سبک_اهل_عالم_منم_کنز_مدارج ( 2 سبک ) … چاره سیز قالانلار … سائلم قاپوندا حسین … . . مصیبی تبریزی . . زادۀ حیدرم سلطان عشقم قلبلرده اسن طوفان عشقم جدّیمینبیشتر
او دم که گیردی فراته سوسوز دوداقیله #عباسیه_صافی_تبریزی
شجاعت و شهادت حضرت ابوالفضل (ع) . #زبدةالاشعار . : @nohe_torki . مرحوم صافی تبریزی . او دم که گیردی فراته سوسوز دوداقیله ازل باخوب سویا بیر وجد و اشتیاقیله . اولوبدی گوزلری خیره گوروب سویون موجین اوزین ایتوردیبیشتر
ای امام راسیتنیم #حیدریه_تائب_تبریزی
در مناقب حضرت علی (ع) . زبدة الاشعار . : @nohe_torki . مرحوم #تائب_تبریزی . ای امام راسیتنیم قبله اهل یقینیم دلده مهرون رکن دینیم یا امیرالمؤمنینیم . . چرخ دینین مه لقاسی هر آییق دلده ولاسی مهری هر دردین دو اسیبیشتر
باجی بو وداع آخریمدور هنگام شهادتیمدی زینب #وداع_عاصی_تبریزی
وداع حضرت اباعبدالله الحسین علیه السلام . زبدة الاشعار . : @nohe_torki . #سبک_قارداش_یارالی_باشیم_قالوبدور مشابه . مرحوم عاصی تبریزی . باجی بو وداع آخریمدور هنگام شهادتیمدی زینب یغ باشیمه آل مصطفانی دیدار بوبیشتر
عید قرباندا کَسنده حاجیلار قربانلارین #عید_قربان #حسن_نجفلو
عید قرباندا کَسنده حاجیلار قربانلارین یاده سالمازلار مقام و منصب و عنوانلارین جَهد ائدیب حفظ ایلیلّلر عهدیله پیمانلارین بیرنفر اما دایاندی ، عهدین اجرا ایلدی کربلاده قانیلن پیمانین امضا ایلدی . #عید_قربان #حسن_نجفلوبیشتر
حسین او گونکه قدم قویدی کون و امکانه #حسینیه_سعدی_زمان
مدح و میلادیه حضرت اباعبدالله الحسین علیه السلام #گریز به #شام_غریبان_تنور_خولی . . . مرحوم #سعدی_زمان . حسین او گونکه قدم قویدی کون و امکانه مرتّب ایلدی هر یرده بیر عزاخانه . حسینون آدینون الله بُلور نه عزّتی وار شهیدبیشتر
نظر دهید