آغلا شیعه حضرت صاحب زمان مغموم اولوب #صادقیه_علومی_تبریزی

شهادت حضرت امام صادق علیه السلام
.
زبدة الاشعار

?: @nohe_torki
.
علومی تبریزی
.
آغلا شیعه حضرت صاحب زمان مغموم اولوب
چون امام جعفر صادق بوگون مسموم اولوب

.
آغلا شیعه صادق آل رسولین یاسیدی
مجلس ماتمدی اسلام اهلنون غوغاسیدی
جعفری مذهب لرین گویا که عاشوراسیدی
دفتر غمده امامین محنتی مرقوم اولوب

.
ظلمده منصور بی دین گور نه طغیان ایلدی
حضرت زهرانی معناده پریشان ایلدی
قلب آل مصطفانی ظلمیله قان ایلدی
ظالمون ظلمی علی اولادینه مرسوم اولوب

.
حضرت صادق ائوینده شور و غوغادی بو گون
آغلوری موسی ابن جعفر دردی عظمادی بو گون
صحبتی اهل ولانین وا امامادی بو گون
وار نه حکمت آل طاها بیر بیله مظلوم اولوب

.
قویمادی پیغمبر اوغلی غصه دن اولسون رها
پا پیاده نصف شب منصور او بی شرم و حیا
حجت اللهی چکوبدی مجلسه ائتدی جفا
تیر توهینیله قلب مصطفا مصدوم اولوب

.
چوخ اذیت ایلدی منصور بی دین جعفره
حک حرمت ایلدی بی حد ولیِّ داوره
عاقبت مسمون ائدوب محنت یتوب پیغمبره
کفری منصورین حقیقت اهلینه معلوم اولوب

.
جان وئرن وقته که دوشموشدی شرر اکبادینه
دین و تقوانی وصیت ایلدی اولادینه
صون نفسدیدی سالوب جدّی حسینی یادینه
سو گورنده یاد ائدوب عطشانلاری مهموم اولوب

.
گر چه مسموم اولدی صادق حجّت پروردگار
اولمادی اما حسین تک سو کیمی قانی نثار
هم یارالی هم سوسوز توپراقلار اوسته زخمدار
قزلارین جان اوسته آخر گورمیوب محروم اولوب

.
#سبک_زینبم_جان_اوستیم ( 4 سبک )

.

#صادقیه_شهادت
#آغلا_شیعه_حضرت_صاحب_زمان_مغموم_اولوب
#علومی_تبریزی
#ترکی
.
#زبدةالاشعار

?: @nohe_torki