زبدةالاشعار

گتور بیر جام می ساقی فرح بخشای جان پرور #حیدریه

مدح حضرت امیرالمومنین علیه السلام
.
✍️ زبدة الاشعار ✍️

?: @nohe_torki
.
مرحوم قمری دربندی
.
گتور بیر جام می ساقی فرح بخشای جان پرور
بهار عیشدور وار باشدا شور نشئه ساغر
.
او می دن ویر اولا بهجت فزا صهبای روح افزا
گتورسون باشیمه سودای عشق یار سیمین بر
.
او می دن قیل شفقت باده ناب و زلال اولسون
مفرّح عطری مشکین رنگی همچون لاله احمر
.
او می دن جام دولدور ویر بسان لعل رمّانی
ضیاسی مجلس احبابه ویرسون زینت و زیور
.
او می دن ویر فروغ شعله سی خورشید رخشان تک
اولا بیر قطره سی ماء معین عدندن برتر
.
او می دن ویر مذاق جانه شور عشق آرتورسون
صدای بانک نوشانوش قیلسون چرخ گوشین کر
.
او می دن قیل عطا که نطقه گلسون طوطی طبعیم
نثار ایتسون ریاض مدح مولاده دُر گوهر
.
او می دن قیل عطا صیاد طبعیم ایلسون جولان
شکار ایتسون غزال نظمدن آهوی خوش منظر
.
او می دن ویر آچوم درج دهان شوریده بلبل تک
ایدیم صحن چمنده بو مقالی دمبدم ازبر
.
علی دن غیری سلطان سریر قل کفی کیمدور
ولیّ قادر سبحان وصیّ مصطفی کیمدور
.
یتشدی موسم عشرت امان ای ساقی مه رو
گتور بیر باده خوش رنگ هم خوش طعم و هم خوشبو
.
بنات راغ ویرمیش عالمه بیر نوعیلن زینت
گلستان جهان اولموش بسان گلشن مینو
.
چخوبدور تخت حسنه رنگ الوانیله نیلوفر
چو زلف مهوشان عنبرفشان سنبل آچوب گیسو
.
نقاب آچمیش قزل گل نوعروس شوخ رعنا تک
معطر قیلموش آفاقی زُهر چون نافه آهو
.
عذار نسترن چشم خمار نرگس شهلا
قیلوب دنیانی پر بهجت بسان حور مشکین مو
.
فروغ لاله نعمان چو حسن عارض غلمان
شمیم نکهت ریحان گلستانی دوتوب هر سو
.
خرام ناز ایدر هر سمتدن دلدار زیبا تک
چمن زاره قد سرو روان با قامت دلجو
.
گل آرام دوتما بو چمنده سنده گل شوقه
جلی صوتیله هر دم چک پیاپی ناله یا هو
.
علی دن غیری سلطان سریر قل کفی کیمدور
ولیّ قادر سبحان وصیّ مصطفی کیمدور
.

متن پیشنهادی:  ای رطل مسیحاسی سالان دم لری رمزه #حضرت_حمزه_مصیبی_تبریزی

#حیدریه_مدح
#گتور_بیر_جام_می_ساقی_فرح_بخشای_جان_پرور
#قمری
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی