رجز ظهرعاشورا
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی
.
مصیبی تبریزی
.
گل یا محمّدا گل ، صحرای کربلایه
قان چشمه چشمه دولموش دریای کربلایه
.
.
صدچاک اولوب ئولنلر باشسیز قالوب بدنلر
شیرازه سیزدی تن لر القاندی پیرهنلر
قان آغلوری گولنلر شمرین ایشین گورنلر
سرمست اولوب گَلَنلر مینای کربلایه
.
.
.
غم قاره سی چکیلمیش صحن سما وارضه
حیراندی چرخ گردون عالم دوشوبدی لرزه
گل کی بالان حسینی ئولدوردی قوم هرزه
کیم لر ائدور جسارت یحیای کربلایه
.
.
.
گل یا محمدا گل،غملر جوشوب غم اوسته
لب تشنه لر وئروبلر جان نهر علقم اوسته
سقادوشوبدی آتدان بیرمشک وپرچم اوسته
باخ قانلی گوزلرونله سقّای کربلایه
.
.
.
آیلار دوشوب محاقه گل آفتابه باخ بیر
اولدوزلارین آخوبلارعرش وحجابه باخ بیر
قانه بویانوب اصغر بیکس ربابه باخ بیر
یوخ بیر فروغ تابان یلدای کربلایه
.
.
.
باخ کربلا چولونده پامال اولان جلاله
باخ برج ابتلاده قانه باتان هلاله
زهرانی سن گتیرمه بو دشته پر ملاله
قان آغلیار آناسی سودای کربلایه
.
.
.
آخربوگون نه گوندورافغان ائدور ملکلر
آغلاردی چشم عالم لرزه دوشوب فلکلر
هم قلبلر یانوللار هم قانلی دور اتک لر
گوزلر قالوبدی حیران بلوای کربلایه
.
.
.
الغوث یا محمد ! غمدن یانوبلار ائللر
صرصر یئلی اسوبدور پرپردی غنچه گوللر
هر دم اسور بلالی صحرایه قاره یللر
موسای حق یتوبدور سینای کربلایه
.
.
.
یئرلر دیورحسین وای گویلر دیور حسین وای
زهرا دیورحسین وای حیدر دیور حسین وای
حتی بو غمده حیِّ داور دیور حسین وای
عرش اهلی آغلاشوللار غوغای کربلایه
.
.
.
چکدون «مصیّبی» سن نقش بلانی لوحه
شاه غمین غمینده وور باشه ایله نوحه
یاز گَتدی ظلم دونان پیغمبری سُتوهه
آغلار گوزیله گلدی ماوای کربلایه
.
.
#عاشورا #قتلگاه
#حسینیه_مصیبی_تبریزی
#حسینیه_شهادت
#گل_یا_محمدا_گل_صحرای_کربلایه
#ترکی
.
✍️ #زبدةالاشعار ✍️
.
🆔: @nohe_torki
نظر دهید