ماه محرم
#گریز به #قتلگاه
.
✍️ زبدة الاشعار ✍️
?: @nohe_torki
.
ولی الله معینی فرد
.
آغلا گوزوم بو آیدا باشلاندی غم بناسی
عطشان اُلن حسینه آغلار اوغول آناسی
.
بو آیدا اهل عالم ایلر نوا حسینه
آغلار آناسی زهرا ساخلار عزا حسینه
یِر گوی اولار بو آیدا ماتم سرا حسینه
یِردن چخار سپهره دائم حسین عزاسی
.
ایلر شهید او شاهون شام اهلی اکبرینی
تشنه شهید ایده لّر هم عون و جعفرینی
ویرمَزله سو، اَلینده اوخلالّار اصغرینی
قانه باتار اَلینده بو سود اَمَر بالاسی
.
دلدن سالار او لشکر انصار شاهِ دینی
نه بیر قالار علمدار نه یاور و معینی
بو آیدا اهل کوفه یالقوز قویار حسینی
قلب جهانی داغلار هَل مِن مُعین صداسی
.
افلاکیانی چولقار بو آیدا غم غباری
بوج ایلر آسمانه زهرانون آه و زاری
ایلر شهید او لشکر عبّاس نامداری
کرب و بلا چولینده قانه باتار لواسی
.
کرب و بلا دیاری بنزر بو آی منایه
اوراق اولار بدنلر قرآن تک آیه آیه
هر کیمسه گَلسه بو آی صحرای کربلایه
دولموش گورر حسینون قربانیله مناسی
.
ظلمیله اهل کوفه سو یولّارینی باغلار
یکسر عیال حیدر سوزِ عطشدن آغلار
وا اَلعَطَش صداسی قلب بتولی داغلار
جبراً سولار حسینون گُلزار با صفاسی
.
غم چولقیوب جهانی عالم سراسر آغلار
یاده سالار حسینون حالین پیمبر آغلار
غمدن توکر عذاره اشکین او سرور آغلار
از بس دیر اوغول وای عرشه چخار نواسی
.
از بس وورالّا نعش سلطان دینه یاره
گُل تک اولار او پیکر یرلرده پاره پاره
هر بیر گَلَن او شاهه یاره وورار دوباره
گَلمَز داخی شماره بو پیکرون یاراسی
.
نعشین آناسی زهرا گورجک گَلور فغانه
سویلر اوغول ندندور جسمون باتوبدی قانه
ایتدی دی هانسی کافِر قلبون اوخا نشانه
حشره کیمی ساغالماز بو قلبیمون یاراسی
.
سالدی سنی حسینیم دلدن عدو جفاسی
یوخ اَللرون بدنده ای گوزلریم ضیاسی
وار والهینده دردی زهراده دور دواسی
اولسون اونا حسینون قسمت او کربلاسی
.
#سبک_احوالیمیز_یاماندی ( 10 سبک)
.
#ورود_محرم
#آغلا_گوزوم_بو_آیدا_باشلاندی_غم_بناسی
#معینی_فرد
#ترکی
.
✍️ #زبدةالاشعار ✍️
?: @nohe_torki
بسیار عالی
التماس دعا