زبدةالاشعار

آغلا گوزوم حسینی گور آل عبادن آیریلور #وداع_شانی_تبریزی

وداع امام حسین (ع)
.
✍️ زبدة الاشعار ✍️

?: @nohe_torki
.
مرحوم حسین شأنی تبریزی
.
آغلا گوزوم حسینی گور آل عبادن آیریلور
شاه شهید زینب بخت قرادن آیریلور
.

باشلیوب آل مصطفی داد و فغان و شور و شین
یانمش اورکلیلر چکر قلبیدن آه آتشین
وجهی بودور که حضرت خیرالانامه جانشین
نایبۀ ستم کشی خیر نسادن آیریلور
.

حسرتیله او تشنه لب خوردا اوشاق لارا باخور
ایستوری گیزلَدَه ولی اشگی دایانموری آخور
آه سکینه یاندیرور قلب شریفینی یاخور
بیر ایله مهربان آتا نازلی بالادن آیریلور
.

مجملی مطلبین بودور سوزده چوخ اولماسین صداع
منده نه واردی نطق دل سنده نه حال استماع
کیم بولوری نه آیریلیق کیم بولوری نجه وداع
کیم بولوری که کیم نچه حور لقادن آیریلور
.

متن پیشنهادی:  رمضان اولدو چکیب شاهدِ مئ پرده یه رو #مناجات_فضولی

تیکمیشیدی حسینه گوز جملۀ داغ دیده لر
گوردی وداع شاهی تا محنت و غم کشیده لر
یأسه دؤنوب امیدلر اشکیله دولدی دیده لر
قلبه رجوع ایدن باخوب گوردی رجادن آیریلور
.

مانع اولوب بُیوکلره عفّت و عصمت و حیا
لیک اوشاقلار آغلادی باشلادی شوریله نوا
قلب امامه گور نجه ایتمز اثر بو ماجرا
بیر دولی خیمه نالۀ وا ابتادن آیریلور
.

بعضی ائدور نوا وورور بعضیسی باشه سینیه
بعضی دیور اسارتی گورمه روا سکینیه
گل بیزی تازه دن بابا قیتر آپار مدینیه
مهر وطن مگر دلِ اهل وفادن آیریلور
.

بعضی کناردن باخور بعضی گلور قوجاقینه
بعضی دوتور الین اؤپور بعضی دوشور ایاقینه
مشگل اولور صغیر اوشاق دوزسون آتا فراقینه
هانسی بالانی گر فلک قویسا آتادن آیریلور
.

متن پیشنهادی:  آغلاما گوزون فداسی قیل منه بیان حسینم #حیدریه_شعاع_تبریزی

بیر بالا عرض ائدور بیزی سنسیز عدو ایله سویار
نه باجیما لباس نو نه منه مقنعه قویار
نه بو رقیّه شامه دین شیون و ناله دن دویار
نه بو رباب صبحه تک شور و نوادن آیریلور
.

نه آنالار کنارده آه و نوادن ال چکور
نه بالالار کنار اولور چنگ رَدادن ال چکور
آل عبا نه دامنین بوشلور عبادن ال چکور
اهل کسا نه خامس آل عبادن آیریلور
.

نالۀ شاهزاده لر ایله ائدوبدی شاهی مات
بولموری جان وئروب بنین بولمور اسیر اولوب بنات
زینب آچاندا قوللارین حیرته دوشدی اُمّهات
سویلدیلر گورون نجه اُخت اخادن آیریلور
.

نائبۀ بتول او دم پیلَدی صبر ناقه سین
بیلدیروب اهل عالمه قارداشینا علاقه سین
باشینه سالدی بیر قرا آچدی جلال طاقه سین
یعنی وقار و عزّ بو بختی قرادن آیریلور
.

متن پیشنهادی:  گوزون آچ دور ایاقه جوانیم اوغول ایوای #اکبریه_علومی_تبریزی

قارداشینی قوجاقلادی باجی بیر اضطرابیله
سویلدی کسمه اُلفتون زینب دل کبابیله
عزم ایدوسن ئولوم یولون سن که بئله شتابیله
روح بدندن آیریلور جسم قوادن آیریلور
.

ویردی جواب شاه دین صبر ایله فرقتیمده دوز
عمر یتوبدور آخره مندن آنام باجی ال اوز
خوشگونه اهل دل اولان حسرت اولور گجه گونوز
اهل ولا اولان مگر درد و بلادن آیریلور
.

شانی عزیزیوین دلین روز وداع داغلادون
سیل سرشگون عارضه گوردیله خلق باغلادون
یعنی صحافیله ایله قول بویون اولدون آغلادون
یاد ایلدون حسین نجه آل عبادن آیریلور
.
#سبک_ای_حرمینه_ناز_ایدن ( 4 سبک)
.
#وداع
#حسینیه_وداع
#آغلا_گوزوم_حسینی_گور_آل_عبادن_آیریلور
#شانی_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی