آقام عبّاس الین یار وفاداری ئوپوب #عباسیه_معزی_اردبیلی

حالات حضرت ابوالفضل (ع)
.
#زبدةالاشعار
.
: @nohe_torki
.
مرحوم معزی
.
آقام عبّاس الین یار وفاداری ئوپوب
کربلاده بالاجا قبرینی زواری ئوپوب
.
آقام عبّاس باخوب کیم اتگیندن یاپشوب
پرچمی نصب اولونوب هاردا عزاداری ئوپوب
.
آقام عبّاس آچوب مشکل بی حل لری
شأنه باخ آلنین حسین سرور و سالاری ئوپوب
.
آقامون دامن مولاسینه کیم بوسه ووروب
فی المثل بیت خداوندیده آستاری ئوپوب
.
ذرّیده لوحده ثبت اولمیشیدی قول ویریله
نفس پاکیله اباالفضل او طوماری ئوپوب
.
عاشر ماه عزا عهدینه ایفا ایلیوب
کسیلن دیر سگینی شاه دل افکاری ئوپوب
.
جنگیده ایلدیلر جعفر طیّاری شهید
قان دولان گوزلرینی دوره ده کی یاری ئوپوب
.
قانلی صحراده منایه یتشوب جعفر اوزی
یاره سین گوزده گوروب دست علمداری ئوپوب
.
دورد طرفدن دوزولوب دوره سینه قانلیلاری
فاطمه تز یئشوب دیدۀ خونباری ئوپوب
.
داغلى سینه آچوب عنقای پر افتاده سینه
آلوب آغوشه یواش یاره لی قوللاری ئوپوب
.
سسلنوب اوغلوم حسین قارداشوی داده چاغور
او گلینجه عوضینده رخ گلناری ئوپوب
.
عرض ایدوب قارداش حسین رتبه ویریلدی منه گل
فاطمه صورت مستخدم درباری ئوپوب
.
گلوب امداده قویوب باشینی دیز اوسته حسین
ابتدا صاق گوزونون اوخ یاراسین آری ئوپوب
.
.
سسلنوب جسمووه خنجر یاراسی چوخ ویرولوب
وورانین اللری سنسون گوزیوه اوخ ویرولوب
.
.
.
باخورام آغلورام عبّاس مُنوّر یوزووه
دامار هر لحظه گوزوم یاشی مطهر یوزووه
.
ای گل باغ على اوخ سنی پرپر ایلیوب
دوزولوب نظمیله شبنم کیمی قان تر یوزووه
.
هیچ دیمورسن گوزومی یا یوزومی کیمدی ئوپن
گوزون آچ تشنه دوداق قویموشام آخر یوزووه
.
سینمیوب من کیمی هیچ قارداشون عالمده بئلی
دیزلریم اسدی گوزوم دوشدی مکدّر یوزووه
.
سیندیروبدور باشوون کاسه سینی آهن عمود
قان جوشوب چشمه کیمی آخدی غم آور یوزووه
.
آلنووین اوخ یاراسیندان ئوپرم اینجیمسه
قورخورام زحمت اولا ای مه انور یوزووه
.
مشکووی پاره لیوب اوخ اوره گون پاره لنوب
قانلی گوزیاشون اولوب جاری منوّر یوزووه
.
یخلان وقته ایاقونده رکابه ایلیشوب
ایلیه بلمیوب اوندا کمک اللر یوزووه
.
سجده حالینده دوشوب تپراقا قولسوز بدنون
یتشوب صدمه قوم اوستونده مکرّر یوزووه
.
بدنون بنذر او عنقایه پرین سیندرالار
گوزلیم لاله دی گلزاریده بنذر یوزووه
.
بیر گوزون یاره لیدور صاف گوزویلن منه باخ
گوزیمی تیکمیشم ای مرد دلاور یوزووه
.
ایکی قول ویردون ایکی پر سنه الله ویره جک
قویاجاق صورتینی ساقی کوثر یوزووه
.
گیدک اخیامه تیکوب گوز یولا اهل حرمیم
قوی نظاره ایلسون زینب مضطر یوزووه
.
جان ویرن قوش کیمی گهواره ده اصغر چوبالار
قالدی حسرت گوزلیم صودامر اصغر یوزووه
.
ای معزّی سوزه دقت ایله آغلار گوزیلن
زنده دور شاعر آدی یازدیقی زنده سوزیلن
.
.
#عباسیه_معزی_اردبیلی
#عباسیه_شهادت
#آقام_عباس_الین_یار_وفاداری_ئوپوب
#ترکی
.
#زبدةالاشعار
.
: @nohe_torki