آلاهین ای گوزل آیی رمضان #مناجات #رمضانی_خاکی

مناجات
.
✍️ #زبدةالاشعار ✍️
.
🆔: @nohe_torki
.
روح الله رمضانی ( خاکی )
.
اللهین ای گوزل آیی رمضان
ای بیزه باغ جنانه یول آچان
.
یوخ فضیلت لروون دلده سایی
ای بیزه مغفرت ورحمت آیی
.
مژده رحمتیلن سن گلی سن
آیلارین رتبه ده سن افضلی سن
.
دای گنه کاریلرین یوخدی غمی
آلاهین جوشه گلوبدی کرمی
.
مشعل عاطفه سنده آلیشیر
آلا ه اوزبند لریلن باریشیر
.
ای یوزی قارلرین دادرسی
سنده تسبیح ایدورآلله نفسی
.
سنددی مرحمت ویژه ی حق
ای ویرن پیکر تقوایه رمق
.
نقدر باعظمت سن رمضان
ای اولان آدی بهارقرآن
.
سنده یاتما خدا عبادتدی بیزه
قسمت آلاهدان عنایتدی بیزه
.
اولدی چون یادخدا همدمیمیز
نه قالوب غصه نه قالدی غمیمیز
.
سن بیزه دوزدی کی رحمت آیی سان
چون کم اعمالیده چوخ چوخ سایی سان
.
سن سن ایندی بشره پیک نوید
توبه سین سیندیران اشخاصه امید
.
.
.
#اللهین_ای_گوزل_آیی_رمضان
#ترکی
.
✍️ #زبدةالاشعار ✍️
.
🆔: @nohe_torki