آلدی اجازه شهدن او دم لیلی حزین #اکبریه_علی_صراطی

زبانحال لیلی مضطر در بالین حضرت علی اکبر (ع)
.
#زبدةالاشعار
.
: @nohe_torki
.
حاج علی صراطی
.
آلدی اجازه شهدن او دم لیلی حزین
آغلار گلوب اوغول یاننا ایتدی شور شین
.
ای بو فنا جهاندا منه افتخار اوغول
آلدى الیمدن آیرلیقون اختیار اوغول
.
سن بو جهاندا مایۀ امّیدیدون منه
لطف ایلمیشدی حضرت پروردگار اوغول
.
سن گلشن وفاده گل بی نظیریدون
ای پروریده نو گل هجده بهار اوغول
.
گلزار عمردن گل آمالی درمدون
نه تیز دولاندی دور ایلدی روزگار اوغول
.
باشوندا تاج فخریدی یا قاندی خشک اولوب
ای ملک عزّت و شرفه شهریار اوغول
.
سن آسمان عمرومه رخشنده ماهیدون
ایتدون خسوف آلدون الیمدن قرار اوغول
.
طوفان غمده کشتی عمروم دوشر گله
کیمسه تاپانمارام منی ایتسون کنار اوغول
.
زهرایه آند ویرّم اوغول منله بیر دانش
آل بو شکسته گوگلومی ایتمه فکار اوغول
.
چارم ندی سوروشسا باجون اکبریم هانی
گر قسمت اولسا یثربه ایتسم گذار اوغول
.
دردی گل حیاتوی گلچین روزگار
یاندی آنان فراق گله چون هزار اوغول
.
قویدی منی جمالیوه حسرت بو عرصه ده
اولسون گوروم بو لشگری ناپایدار اوغول
.
کرببلا چولونده قالار قانلی پیکرون
باشون ورار جدا باشنا نیزه دار اوغول
.
سنسیز آناوی دامه چکر فرقۀ رذیل
اولماز معین و یار اولان ای غمگسار اوغول
.
شامه گیدنده نیزه ده سن ناقه اوسته من
اولّام یارالی باشویله همجوار اوغول
.
یولّاردا بسکه هجر اودونا یانّام آغلارام
جیهون کیمی عذاریمه اشگیم آخار اوغول
.
من گوزلرون فداسی گوزوم نوری آچ گوزون
گور بیر نجه اولوب گونوزوم لیل تار اوغول
.
جسمون دیسم که گلدی اولار بو سوزوم عبس
باخما اگه فرحلنر اهل بهار اوغول
.
باخدوقجا من ولیک بو گل تک جنازه وه
سرحد صبری سیل سرشگیم یخار اوغول
.
شاهنشه وحیده گوزل خدمت ایلدون
اولدون عجب زمانه ده سن کامکار اوغول
.
گئچدون ره وفاده ئوزوندن بو عرصه ده
اولسون بابان شریعتی تا پایدار اوغول
.
کام آلماسین گوروم سنه قاتل اولان دنی
اولسون گوروم زمانه ده هر لحظه خوار اوغول
.
دیدار قالدى بیرده على روز محشره
هجران اودیله قلبیمه وردون شرار اوغول
.
ئوز خادمون صراطی توکر اشگنی مدام
ایله اونوندا حالینه لطفاً نظار اوغول
.
قویما سرشگ حسرتی آخسون عذارینه
اولسون غمونده صبح و مسا اشکبار اوغول
.
دعوت ایله مزاروه گلسون زیارته
یتسین مرام قلبینه ای گلعذار اوغول
.
.
#اکبریه_علی_صراطی
#اکبریه_شهادت
#آلدی_اجازه_شهدن_او_دم_لیلی_حزین
#ای_بو_فنا_جهاندا_منه_افتخار_اوغول
#ترکی
.
#زبدةالاشعار
.
: @nohe_torki