زبانحال حضرت مسلم (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_درد_بی_درمانلارا … 10 سبک
مشابه
.
مرحوم تائب تبریزی
.
بو کوفیه گلمه شه بطحا حسینیم
قانین توکر بو فرقه اعدا حسینیم
بو کوفیان طغیان ایدر
اوز قانوه غلطان ائدر
زهر ا عزیزی
.
.
زهرا عزیزی ای سنق دل لر صفاسی
وار کوفیانین نه حیاسی نه وفاسی
یوخدور وفاسی سهلدور چوخدورجفاسی
بونلاردا ذرّه رحم یوخ اصلا حسینیم
.
.
پیمان شکندور کوفیان پست و جانی
یالقیزلیوبلر مسلم بی اقربانی
اوز ایولرینده ئولدورولّر میهمانی
شیطان بو قومی ایلیوب اغوا حسینیم
.
.
هرگز آییلمازلار بیله غافل یاتانلار
الله رضاسین ترک ایدوب الدن آتانلار
شرم ایلمز دنیایه اوز دینین ساتانلار
حفظ ایلمزلر حرمت مولا حسینیم
.
.
سانمازلا بیر یالقیز قالان ائلدن اوزاقم
یوخدور قبیلم بوردا نالانِ فراقم
هم مسلمم هم بیر غریبم هم قوناقم
ایلولَّه قتلیمدن اؤتور غوغا حسینیم
.
.
بیر قوم که حقّی دانوبلار بی مهابا
نایب امام ئولدورماقا ایلر تقلّا
حتما سنون ده قتلیوه اولموش مهیّا
وار سوزده هم صغرا و هم کبرا حسینیم
.
.
باخمازلا سنسن مصطفانین نور عینی
سنسن خانم زهرانین ایستکلی حسینی
قانون توکوب کونه سالالار شور شینی
چولقار جهانی بانگ واویلا حسینیم
.
.
باخمازلا سن دلبند پاک مصطفاسن
باخمازلا سن فرزند شاه لافتاسن
باخمازلا سن صبر دل خیرالنّساسن
مقتول ایدللر قوم بی پروا حسینیم
.
.
گلمه وفاسیزلر قاپون باغلار قویاللار
گلمه آناوین قلبینه داغلار قویاللار
گلمه گُل اوزلی قزلارون آغلار قویاللار
هر دم ایدللر ذکر واویلا حسینیم
.
.
گلمه سنه ال تاپماسون نسل سُمیّه
ظلمینده حددن چخماسون آل امیّه
سیلیّ دشمن گورمه سین نازلی رقیّه
تاب ایلمز اول دختر زیبا حسینیم
.
.
گلمه یخالّار اکبرون بو فرقۀ دون
توپراقلار اوستونده ایده للر غرقه در خون
ایلر آناسین محنت هجرانی مجنون
گریان دوشر صحرالره لیلا حسینیم
.
.
گلمه گتورمه مجتبانین دلرباسین
صد چاک ائدللر قاسمین قدّ رساسین
آغلار قویاللا وای اوغول دلده آناسین
ذکرى اولار بیر عمر واویلا حسینیم
.
گلمه آماندور تا جانون واردی جانیندا
سرو روان لارین سالالّار بستانندا
عبّاسوی عطشان یخالّار سو یانیندا
عطشان سو اوسته جان وئرر سقا حسینیم
.
.
گلمه قانیله باغریوی دولدورماسونلار
باغ رسالت گللرین سولدورماسونلار
حلق على اصغره اوخ وورماسونلار
چوخ حیفدور اول غنچۀ رعنا حسینیم
.
.
بو اهل کوفه ظلمدن سانما دویاللار
اوچ شعبه لی پیکانیله قلبون اویاللار
زهرا قزین ظلمیله قارداشسیز قویاللار
سسلر حسین وای زینب کبرا حسینیم
.
.
بیر کوچه مشگی نوحه خوان بالیاقت
یازدیردی تائب بو سوزی ایتدی کتابت
ایستلله سیزدن هم زیارت هم شفاعت
اللهدان آل ایله برات اعطا حسینیم
.
.
#مسلمیه_تائب_تبریزی
#مسلمیه_شهادت
#بو_کوفیه_گلمه_شه_بطحا_حسینیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید