مدح و شهادت حضرت علی اکبر (ع)
.
✍️زبدة الاشعار✍️
.
?: @nohe_torki
.
واصف مرندی
.
آللهینه خلقتده نشاندی علی اکبر
پیغمبری نوریله یاراندی علی اکبر
.
معصوم تباریدی علی قویدولار آدین
شایسته و صدرایی مکاندی علی اکبر
.
ئوز جدی حسینه بویوروب لحمک لحمی
باباسینه شیرینی جاندی علی اکبر
.
آی مجلس عشقینده ارادتلی جوانلار
سرمشقه لیاقتلی جواندی علی اکبر
.
ایمانیده اخلاصیده تقوا و عملده
هر ملت آرا فخر زماندی علی اکبر
.
قویمادی حسینین زحماتی هدر اولسون
بو یولدا شرافتلی دولاندی علی اکبر
.
غیرتلی جوان قد قواریله تانینماز
بو باره ده الگوی جهاندی علی اکبر
.
عاشورا گونی درک ائلدی مظلوم آتاسین
غیرت غمینه قلبیده یاندی علی اکبر
.
عرض ایلدی بابا هله کی ئولمه میشم من
جان بذل ائلیه اشک فشاندی علی اکبر
.
ذلت بیز اچون عاریدی دشمن قاباقیندا
اذن اولسا اگر با هیجاندی علی اکبر
.
اوّلده گرگ من بویانام قانه بوچولده
دشمن دئمه سین جنگه یوباندی علی اکبر
.
ئوز اللریویلن منه بو چولده کفن بیچ
نه قورخوسی وار نه نگراندی علی اکبر
.
من عشق شهادتله بو دنیاده یاشاردیم
آزاده لیقی قلبا ایناندی علی اکبر
.
فرمایش ائدیب عشقیوه ایثاریوه احسن
اندیشه و اخلاصیوه افکاریوه احسن
.
خوش گلدون اوغول عشقیده هئچ زاد چتین اولماز
تاخیر ائله سن فیض بقا قسمتین اولماز
.
کوته گله سن گر بو سپاهین قاباقیندا
آینده مزمت ائلییر عزتین اولماز
.
آزاده لیقین اولسا اگر کامه چاتار سان
دوزدور آتاوام هئچ منه ده منتین اولماز
.
ئوز باجیلارین عمه لرین ایله وداع گئت
هجران گونودی آیری گونه فرصتین اولماز
.
گر عشق شهادتله بو آغ خلعتی گیسن
هئچ فیضه قیامتده یقین حسرتین اولماز
.
نقص اولسا مرامینداگر یوم عملده
هئچ مجلس ماواده سوزون صحبتین اولماز
.
#اکبریه_مدح #اکبریه
#اکبریه_شهادت
#اللهینه_خلقتده_نشاندی_علی_اکبر
#واصف_مرندی
#ترکی
.
✍️ #زبدةالاشعار ✍️
?: @nohe_torki
نظر دهید