کرب وبلا دشتی – بو گئجه غوغادی #شب_عاشورا_مصیبی_تبریزی

« شب عاشورا »
.
✍️ #زبدةالاشعار ✍️
.
🆔: @nohe_torki
.
#سبک_لای_لای_علی_لای_لای
.
محمدعلی مصیبی تبریزی
.
کرب وبلا دشتی – بو گئجه غوغادی
یتمیش ایکی عاشق – رزمه مُهیّادی
سو یوزونه حسرت – اصغر ِ نوپادی
لبلری عطشاندی – سینه سی دریادی
.
گوردیله گویده ستاره لرآغلور
صودامر اللرینی آنا باغلور
.
یاندی ائللر – جوشدی دللر
لای لای علی لای لای (۴)
.
.
.
کیمسه گورورعطشان – اصغری قان آغلور
باغلارالین گورجاق – پیر وجوان آغلور
غملی آنا سسلور- دادینه سقانی
گوردیلر عباس اول – شیر ِژیان آغلور
.
بوغمی عالمی یاندیراجاقدی
ساقی دشتی اوتاندیراجاقدی
.
یاندی ائللر – جوشدی دللر
لای لای علی لای لای (۴)
.
.
.
سینه لری داغلور – ال ایاق آتماقی
سینه مادرده – غصه لی یاتماقی
خیمه ده قیزلاری – دردوغمه سالمیش
ابر ملالتده – آی کیمی باتماقی
.
هی آناسی ملوری گوزلیم یات
سینه سی قان آناوی گل آزآغلات
.
یاندی ائللر – جوشدی دللر
لای لای علی لای لای (۴)
.
.
.
سالدی منی دلدن – درد وغمون اوغلوم
ناله جانسوز و- دم به دمون اوغلوم
آغلاماقون آخر – آغلادور عباسی
آغلاما آغلاتما – یاندی عمون اوغلوم
.
اوچ گئجه گوندوزعلی منی یاخدون
اولدوزیدون گوزلیم نه تئز آخدون
.
یاندی ائللر – جوشدی دللر
لای لای علی لای لای (۴)
.
.
.
.
باشدان اوغول گل آت – آب روان فکرین
ایله مه عباسین – چوخ نگران فکرین
خیمه لری گزدیم – یوخدی سوبیرقطره
هامّی سوسوز سن تک- ائتمه امان،فکرین
.
غنچه لبون سارالان گوله بنزر
بحر عطشده کی ساحله بنزر
.
یاندی ائللر – جوشدی دللر
لای لای علی لای لای (۴)
.
.
.
#شب_عاشورا_مصیبی_تبریزی
#کرب_و_بلا_دشتی_بو_گئجه_غوغادی
#ترکی
.
✍️ #زبدةالاشعار ✍️
.
🆔: @nohe_torki