زبدةالاشعار

خیمه گاهون یاحسین ظلمیله تاراج اولدی گل #غارت_خیام #حسنی_تبریزی

زبانحال حضرت زینب (ع)
در وقت غارت
.
✍️ #زبدةالاشعار ✍️
.
🆔: @nohe_torki
.
حاج حسین حسنی تبریزی
.
خیمه گاهون یاحسین ظلمیله تاراج اولدی گل
قیزلارون بیر معجره بو چولده محتاج اولدی گل
.
.
اشقیا سندن صورا ظلمون بناسین قویدولار
ئولدوروب عطشان سنی سانما جفادن دویدولار
عترت آل عبانی اوز ایوینده سویدولار
سینۀ زینب خدنگ ظلمه آماج اولدی گل
.
.
ویردی فرمان لشگره شمر شریر بد مرام
آل پیغمبر سویولسون ظلمیله یانسون خیام
باشلانوب غارت بودم ای زادۀ خیر الانام
روز روشن زینبه بیر لیلۀ داج اولدی گل
.
.
اللرینده نیزه و تیغ و خدنگ جانستان
خیمه گاهه یوز قویوب سرعتله اشرار زمان
ایتدیلر وحشی عربلر باغریمی بو چولده قان
باعث وحشت گلن اخیامه افواج اولدی گل
.
.
هر یتن آچدی الین ظلمه دایاندی عرشه آه
آت دوشونده سالدیلار اطفالی صحرایه سپاه
گتدیلر من بی پناهه خورداجا قیزلار پناه
دودۀ آهیم باشیم اوستونده چون تاج اولدی گل
.
.
آز قالوردى عمرومون سرمایه سی اولسون تمام
چارسوى عشقده بو علّته ایتدوم قیام
مشتری جمع اولدی آخر امر باشلاندى قوام
صبریمون کالاسیده بو یولدا حرّاج اولدی گل
.
.
سن نجه ایتدون سوسوزلوقدان حسین قان ایچره غش
گون قباقینده یارالی جلدون اولدی منکمش
منده اشراریله ائتدیم معجر اوسته کمکش
قانلو اشگیم کاسۀ چشمیم ده موّاج اولدی گل
.
.
وار یری زهرا آنام قان آغلاسا بو مطلبه
تازیانه الده لشگر گتدی حمله زینبه
گل گلنده وئر خبر عباس صاحب منصبه
زینبون سویله سنه بو چولده محتاج اولدی گل
.
.
خیمه گاهی دولدوروبدی گور نه شور و همهمه
اللری باشدا قاچور قیزلار کنار علقمه
سسلنوللر گل عمو قمچی ورولار عمّه مه
بار محنتدن خمیده قامت کاج اولدی گل
.
.
سن شهادت جامینی نوش ایتدون ای شاه ولا
قالدى جسمون یرده باشون ائتدیلر زیب جدا
سسلرم سن کربلایه گل بابا یا مصطفا
اوغلوا قسمت جدا اوستونده معراج اولدی گل
.
.
آچدی امت اوغلوون اوسته بابا جرئت الین
هم اوزاتدی غارته بو بی وفا امّت الین
ویرمه دى اشراره اوغلون چون بو گون بیعت الین
باشینی کسدی بو امّت بیعته باج اولدی گل
.
.
.
.
.
.
#غارت_خیام #حسنی_تبریزی
#خیمه_گاهون_یا_حسین_ظلمیله_تاراج_اولدی_گل
#ترکی
.
✍️ #زبدةالاشعار ✍️
.
🆔: @nohe_torki
.

متن پیشنهادی:  گینه قلبیم گلوب درده اماندور ساربان گیتمه #راه_شام_وافی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی