آماجیدی قلبیم گینه تیر غمه زینب #اکبریه_هادی_تبریزی

زبانحال حضرت امام حسین (ع) در شهادت حضرت علی اکبر (ع)
.
#زبدةالاشعار
.
: @nohe_torki
.
#سبک_ای_باد_صبا … 7 سبک … ای شمر دنی قزلاری … ای شیعه گیون قاره …
.
.
مرحوم هادی تبریزی
.
آماجیدی قلبیم گینه تیر غمه زینب
گل اکبری گتدیم یارالی مخیمه زینب
.
.
ای سینه سی آتشکدۀ عشق الهی
بیر عدۀ ثكلانون اولان پشت و پناهی
لیلانی چاغور تا اولا بو حاله گواهی
ئولدوردولر اوغلون، طمع درهمه زینب
.
.
اوز اوغلونی گورسون نئجه قانه بویانوبدی
پروانۀ حق آتش عشقیله یانوبدی
گلماقه وار علّت که خیامه یوباندی
تشییعه گله گئتدی خبر آدمه زینب
.
.
زلفیندن اولوبدی منه عالم شب یلدا
احیا ایلوری روحیمی همچون دم عیسا
آلنیندا کی نوریندن اولوبدی ید بیضا
تشبیهیدی گل صورتی جام جمه زینب
.
.
استادیدی دانشکده ی عشق خدایه
عشق اولماسا گلمزدی بو صحرای بلایه
باشدا یارا اولمازدی مثل شیر خدایه
قان آخمازیدی طرّه ی خم درخمه زینب
.
.
یرده ایلوری قامتی لیلایه قیامت
گر گورسه مؤذن بئله قامتدی قیامت
قد قامتی تکرار ائلیر تا به قیامت
دنیانی بو غمده باتیرار ماتمه زینب
.
.
آلنیندا دوروب گل کیمی قان قطره سی شبنم
بو لشکری اغفال أئلیوب کیسۀ درهم
سیندی اودور آئینۀ پیغمبر اکرم
علت اودى افلاكیده وار همهمه زینب
.
.
جسمینده چاتوب باش باشا سنبل کیمی پیکان
جدّیمدی بو دنیاده منم ناطق قرآن
قرآنی دانوبدور سپه زادۀ سفیان
قرآن ائدور امّا که بولار زمزمه زینب
.
.
یر قاندی که اطرافینه قاندان دوشوب هاله
بو هاله منیم قدّیمی دوندردی هلاله
صد حیف بو آی گلدی جفائیله زواله
اوز نورینی پخش ایلمدى عالمه زینب
.
.
عالملری مبهوت ائلیوب پایه ی عشقی
لیلایه یازوب قانیله توپراقه بو مشقی
مجنون کیمی سیر ایلیه صحرای دمشقی
مونس أولا یولّاردا ملال و غمه زینب
.
.
صبر ایلیه گوز یاشینی دوندرسله قانه
آختارسالا ویرماقه اونی یولدا بهانه
معراج ائده یا اینکه جوان اوغلى سنانه
دردین دئمیه محرم و نامحرمه زینب
.
.
زندانیده گه دیریده گر ایله سه مسکن
بولسون که جوان اوغلی گئدور هریانا منلن
گر سالسا بیزی آیری جفائیله بو دشمن
گلّوق گئجه صندوقیده نزد همه زینب
.
.
قلبینده اولان دردینی بیر کس بولن اولماز
بیر زلف که دنیاده او زلفه ثمن اولماز
توپراقیله قانین ائله زلفین سیلن اولماز
لیلانون اودور دامنی بنزیر یَمَه زینب
.
.
«هادی» غم عشقیله اولار مونس و همدم
منده اونا شامل ایلرم، لطفیمی هردم
مدح ایلین آل اللهی عالمده مسلّم
قویماز ایاقین خاک دَرِ خاتمه زینب
.
.
#اکبریه_هادی_تبریزی
#اکبریه_شهادت
#آماجیدی_قلبیم_گینه_تیر_غمه_زینب
#ترکی
.
#زبدةالاشعار
.
: @nohe_torki