زبدةالاشعار

بیله آغلاما یاندیم بیر آز یات على لایلای #اصغریه_خوندل_تبریزی

زبانحال حضرت رباب (س) به حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
.
مرحوم خوندل تبریزی
.
بیله آغلاما یاندیم بیر آز یات على لایلای
باشوندان سو خیالین اوغول آت علی لایلای
.
.
علی آغلاما اولسون آنان اشگیوه قربان
منیم حالیمی ایلور بوگوز یاشی پریشان
نه سینمده سودوم وار نه واردی سویا امکان
بیله آغلاما یاندیم بیر آز یات علی لایلای
.
.
علی سولسان آچیلماز گل لاله چمنده
آز آغلا منی آغلات گمان یوخ سوده منده
اوغول یانّام ئولونجه اوشاقلار سود منده
بیله آغلاما یاندیم بیر آز یات علی لایلای
.
.
على حلقۀ چشمون اولوب اشگیله سرشار
آخور سرعت سیری ایدور نالیه وادار
گوزوم ابر چمن تک او حاله باخار آغلار
بیله آغلاما یاندیم بیر آز یات علی لایلای
.
.
علی قیمت عشقی او بلبل بوله بولمز
ویرور خار جفاسی نه زحمت گُله بولمز
ئولونجه گوزوم آغلار یوزوم بیر گُله بولمز
بیله آغلاما یاندیم بیر آز یات علی لایلای
.
.
علی آغلاما یوخدی عطش دردینه چاره
ایله باخما او باخماق ورور قلبه شراره
آخار خون دلیله گوزوم یاشی عذاره
بیله آغلاما یاندیم بیر آز یات علی لایلای
.
.
علی سیل سرشگون آز آغلا یوزه باغلا
آز آهون شرریله یانان قلبیمی داغلا
کباب اولدوم اماندی آز آغلات منی آغلا
بیله آغلاما یاندیم بیر آز یات علی لایلای
.
.
على سوز حرارت ایدوب بیر ایله شدت
عیان غنچه لبوندن گلور نکهت آفت
امان چرخین الیندن منی ایتدی خجالت
بیله آغلاما یاندیم بیر آز یات علی لایلای
.
.
على تاب و توانون سوسوزلوق ایله آلدی
عطشدن گل تر تک یوزون سولدی سارالدی
اورک دردیله دولدی گوزوم جامی بوشالدی
بیله آغلاما یاندیم بیر آز یات علی لایلای
.
.
على آهون اودوندا منیم تک یانان اولماز
نه اوددی بولن اولماز نه سوزش قانان اولماز
یانار حالیوه چوخلار ولیکن آنان اولماز
بیله آغلاما یاندیم بیر آز یات علی لایلای
.
.
علی راه فراتی دوتوب لشگر اعدا
سو یوخ سن تک آناندا یانور ای گَل رعنا
نه بیز بلکه سوسوزدان سولوب گلشن زهرا
بیله آغلاما یاندیم بیر آز یات علی لایلای
.
.
على خوندلون آرتوق سیخوب قلبینی حسرت
نولور قبر شریفون اولیدی اونا قسمت
گلوب شوره دییدی ایدن وقته زیارت
بیله آغلاما یاندیم بیر آز یات علی لایلای
.
.
#اصغریه_خوندل_تبریزی
#اصغریه_شهادت
#بیله_آغلاما_یاندیم_بیر_آز_یات_على_لایلای
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قولّاریم اولدی قلم قارداش حسین فریاده گل #عباسیه_مذنب_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی