دولان قانیله قونداقی علی لای لای ،بالام لای لای #اصغریه_صراف_تبریزی

زبانحال حضرت رباب (س)
–
✍️ زبدة الاشعار ✍️
?: @nohe_torki
–
مرحوم صراف تبریزی
–
دولان قانیله قونداقی
علی لای لای ،بالام لای لای
قیزاردان قانی توپراقی
علی لای لای ،بالام لای لای
–

گلستانون گولی سولسون
پوزولسون پایمال اولسون
بالا سنسیز رباب ئولسون
علی لای لای ،بالام لای لای
–

الیمدن کیم سنی آلدی
بئله توپراقلارا سالدی
آنان یاخشی ملر قالدی
علی لای لای ،بالام لای لای
–

آنا دهرون بلاسیندن
دونرمیش ئوز بلاسیندن
من آیریلدیم بالا سندن
علی لای لای ،بالام لای لای
–

ایشیقلی أولدوزوم آتدون
منی،توپراقیده یاتدون
نه تئز چیخدون،نه تئز باتدون
علی لای لای ،بالام لای لای
–

آنان بو حالت زارون
گوروب اولدی گرفتارون
دی گل بوش قالدی گهوارون
علی لای لای ،بالام لای لای
–

سنی بی حال ائدن اوخدور
یانان بو حالده چوخدور
ولی لای لای دئین یوخدور
علی لای لای ،بالام لای لای
–

کونول دردینله سرخوشدور
قوجاقیمده یئرون بوشدور
ئوزوم لا ی لای دئیم،خوش دور
علی لای لای ،بالام لای لای
–

مگر دشمن امان وئردی
سنه رحمین نشان وئردی
گوروب سود یوخدی قان وئردی
علی لای لای ،بالام لای لای
–

علی سنسیز سنی آندیم
سمندر تک اودا یاندیم
سئسیمه سس وئر،اودلاندیم
علی لای لای ،بالام لای لای
–

شیل اولسون قاتلون آخر
خزان ائتدی گولون آخر
نولوب شیرین دیلون آخر؟
علی لای لای ،بالام لای لای
–

اویان درد و بلان آللام
دورنجا سن اویاخ قاللام
کشیکچون من ئوزوم اوللام
علی لای لای ،بالام لای لای
–

دور ای شمع شبستانیم
بهار و باغ و بستانیم
سودیلن دولدی پستانیم
علی لای لای ،بالام لای لای
–

بو صرّاف سیه نامه
یئتیردی شعرین اتمامه
گینه باشدان یازار خامه
علی لای لای ،بالام لای لای

–
#سبک_علی_اصغر_مه_انور
(بیش از 7 سبک شامل سبک های
منیم ای تشنه قربانیم … حسین تعجیلیلن گئتمه … بزن بر سینه و بر سر … )
–

#اصغریه_شهادت #اصغریه
#حضرت_رباب
#دولان_قانیله_قونداقی
#صراف_تبریزی
#ترکی
–
✍️ #زبدةالاشعار ✍️

?: @nohe_torki