زبانحال مادر حضرت علی اصغر
بعد از شهادت فرزند دلبندش
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی … 4 سبک
.
مرحوم صافی تبریزی
.
آنان ئولسون گوزون آچ اصغریم ای وای بالا وای
یاندورور عالمی نسگللریم ای وای بالا وای
.
.
منیدیم بو نچه آیدا دایانان زحمتوه
جان و دلدن ای اوغول مایلیدیم خدمتوه
یانماموشدوم ولی بو اوچ گجه تک حالتوه
یاندورور عالمی نسگللریم ای وای بالا وای
.
.
سودوم اولمادی علی گلدون عطشدن دیله سن
آناوی عفو ایله دوشدون بیله بیر مشکله سن
خانمیم فاطمیه ایلمه مندن گله سن
یاندورور عالمی نسگللریم ای وای بالا وای
.
.
یانّام از بس که جگردن ، علی ای وای دیرم
دانشوب ئوز ئوزومه بیردن اوغول وای دیرم
باخارام بوش یره گهواره وه لای لای دیرم
یاندورور عالمی نسگللریم ای وای بالا وای
.
.
اشگ دیدم یرینه آغلامیوم قان نجه من
یاده سالدوقجا سزیلداردون اوغول نی کیمی سن
بولی بو حالی بو نسگل لریله اوغلى ئولن
یاندورور عالمی نسگللریم ای وای بالا وای
.
.
من دیردیم سنی سوددن آچارام عزّتیله
قالدیم افسوس بو سینمده قالان حسرتیله
آچدی اوخ دایه سی سوددن سنی چوخ زحمتیله
یاندورور عالمی نسگللریم ای وای بالا وای
.
.
آنان آغلار قالی بو نکته نی بولموشدون اوغول
اوخ دگنده بوغازوندان اودی گولموشدون اوغول
احتیاجون یوخودی سن ئورون ئولموشدون اوغول
یاندورور عالمی نسگللریم ای وای بالا وای
.
.
قالوب آخر على بو نوع قولاقیمده سسون
دییَرَم بس گنه آغلارسان اوغول وار نفسون
یره قویماقه الیم گلمورى قوشسوز قفسون
یاندورور عالمی نسگللریم ای وای بالا وای
.
دوشوری یادیمه بوندان قاباق اوچ ساعت على
سنی ائتموشدی سوسوزلوق ایله بی طاقت على
بیر بیرینه ویروب آغلاردی اوشاق عورت على
یاندورور عالمی نسگللریم ای وای بالا وای
.
.
ئوزیوی سنده اوغول عاشق جانباز ایلدون
ایوین اباد آناوی یاخشی سرافراز ایلدن
قاسم و اکبر آناسیله هم آواز ایلدون
یاندورور عالمی نسگللریم ای وای بالا وای
.
.
یری وار آهیم اودیله یانا بو ملک عراق
آنان ئولسون على بو حالون آنالاردان اوزاق
کیم گوروب ایمد یه دین اوخلانا آلتی آیلوق اوشاق
یاندورور عالمی نسگللریم ای وای بالا وای
.
.
ظاهراً غملویم اولمام ولی باطنده ملول
بولموشم حق ایلیوب سن قوزی قربانی قبول
شور محشردی وئروب سس سسه اولاد رسول
یاندورور عالمی نسگللریم ای وای بالا وای
.
.
بالانون هر آنا دیل آچماقینا مایل اولور
دیل آچوب خاصّه ایاق دوتماقینا خوشدل اولور
گورمدیم من، بالا نه نوعیله شیرین دیل اولور
یاندورور عالمی نسگللریم ای وای بالا وای
.
.
اورگیم باشین اوغوشدورّام على هر نقدر
ساکت اولماز آلشوب اودلانوب از بس که جگر
بو قدر بولمزیدیم من غم هجراندا اثر
یاندورور عالمی نسگللریم ای وای بالا وای
.
.
بولموری چونکه سکینه على مه پاره باجون
دولانور بوش بشیگون باشینه بیچاره باجون
حقّى وار ئولسه وطنده قالان آواره باجون
یاندورور عالمی نسگللریم ای وای بالا وای
.
.
بولمورم من على بیر اوخ سنی نه حاله سالوب
گلوب هر کیمسه تسلّی وئره آرامین آلوب
قاریشوب بیر بیره قونداقون الیم اوسته قالوب
یاندورور عالمی نسگللریم ای وای بالا وای
.
.
.
.
#اصغریه_صافی_تبریزی
#اصغریه_شهادت
#آنان_ئولسون_گوزون_آچ_اصغریم_ای_وای_بالا_وای
#ترکی
.
✍️ #زبدةالاشعار ✍️
.
🆔: @nohe_torki
نظر دهید