«گلایه وزبانحال رباب محضر بی بی دو عالم»
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مصیبی تبریزی
.
.
اوخلی قربانیم بلشدی قانینه یافاطمه
باخ ربابین صودامر قربانینه یافاطمه
.
.
محسنون داغ فراقینده یانوب ائتمه فغان
گورسن اصغر حالینی والله چیخار یاددان بالان
قوی دیوم؛بیر اوچ پر اوخ ائتدی نئجه حلقین نشان
اوخ نه اوخ قان یاغد یروب طغیانینه یافاطمه
.
.
اصغرین نعشین ئوزوم گوردوم نه وَهم و ظنّیدی
اوندا بیلدوم اوخ آتان استاد رزم و فنّیدی
بیر سه شعبه اوخ یرین گوردوم بوغازدان انّیدی
غشّ ائدوب دوشدوم ئولوم میدانینه یافاطمه
.
.
گون قباقینده رباب اصغر فراقیندن ملَر
اشک مظلومیتین تا جانی وار گوزدن الر
محشر ِ عظمایه ده حتی گوزی آغلار گلر
قیل نظر محشرده کی طوفانینه یافاطمه
.
.
ئوز قوجاقیمده گتوررم محشره من اصغری
سویلرم عباسه آل مندن بو سینمیش گوهری
سسله گلسون حرمله عشقون قورولسون محشری
ناظر اول سنده قضا میدانینه یافاطمه
.
.
سویلرم من اوخ آتان ملعونه ای بختی قارا
فکرائله اوچ شعبه بیر پیکان هارا اصغر هارا
هئچ بیلورسن اوچ پراوخ هاردان هارا وورمیش یارا
دورد دامار گئتمیش اوخونجولانینه یافاطمه
.
.
سینه میلن همدم اولموشدی صفالی لبلری
جانیمین شهدین قاتاردی قانینه غم گوهری
آلتی آیلیقدا،اوخ آچدی صوددن اوغلوم اصغری
عشقین اعلا حدّه باخ تاوانینه یافاطمه
.
.
باغلیاندا اللرین گولدی اوتاندیردی منی
هر نه اندازه الین بند ائتماقی یوردی منی
مین برابر اللرین آچماقی یاندیردی منی
بس کی باخدیم صورت خندانینه یافاطمه
.
.
ایله کی قانین سپوب آفاقی یاندیردی حسین
قانیله عرش و سماواتی بویاندیردی حسین
ماجرانی زینبه بیر نوعی آندیردی حسین
منده بیلدوم باخجاق عزت کانینه یافاطمه
.
.
اوندا من بیلدوم نه احواله اوگون لیلا قالوب
اکبرین شان شان وجودی صبرینی الدن آلوب
ال وئروب حال جنون فریادین آفاقه سالوب
مسلخ اولموش سینه غم پیمانینه یافاطمه
.
.
.
غم قطارین هامّیدان چوخ آغلادوبدور صود امر
اوندا کی جان اوسته گلدی خیمیه قالدیم ملر
وئردیلر آغوشیمه فریاده گلدی خیمه لر
باخجاقین بوینون سوکن پیکانینه یافاطمه
.
.
اوخلانوبدور شیرخوارم بوشدی گهواره خانم
اصغریم گئتدی الیمدن قالدیم آواره خانم
قلبیمین بو دردینه اولماز داهی چاره خانم
علقم آغلار کوثرین قربانینه یافاطمه
.
.
هانسی مادرصودامراوغلون سوسوزقربان وئروب؟
قان سووجهینده اونااوچ شعبه بیرپیکان وئروب؟
یا کی دریانین کنارینده لب عطشان جان وئروب؟
میزبان رحم ائتمیوب مهمانینه یافاطمه
.
.
باشیمه ساللام قرا قلب جهانی داغلارام
قونداقون آللام اله ارض و سمانی داغلارام
حشره تک قاللام ملر عرش خدانی داغلارام
یان ؛ ربابین حال سرگردانینه یافاطمه
.
.
کوچ ائدنده کاروان کربلا ویرانه دن
همنوائیدی منیلن آهوان انجمن
گوزیاشین موج ایلیَردی کیم بو احوالی گورن
غرق اولاردی ناله و افغانینه یافاطمه
.
.
.
یاز « مُصَیب» دار دنیا فکرینی اصغر آتوب
سو یرینه لخته لخته قان ایچوب قانه باتوب
بیر نوالی گول ستاندا بلبلوم عطشان یاتوب
جان فدا اولسون لب ِعطشانینه یافاطمه
.
.
.
.
#اصغریه_مصیبی_تبریزی
#اصغریه_شهادت
#اوخلی_قربانیم_بلشدی_قانینه_یافاطمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید