آنا گلوبدی حسینون وداع ایده سندن #خروج_مدینه_ظهیر

وداع امام حسین با مدفن مادرش در روز کوچ از مدینه
.
#زبدةالاشعار
.
: @nohe_torki
.
حاج مجید ظهیرنیا (ظهیر)
.
آنا گلوبدی حسینون وداع ایده سندن
علاج یوخدی گرک آیریلا بو مدفندن
.
ئوز اختیاریمیله گئتمرم جواروندان
بو گون مشیّت حقدور که آیریلام سندن
.
بابام جوارینی ترک ائتماقیمدا مجبورم
کیم ایستر ال چکه گلشنده سرو و سوسندن
.
یزید شوم اوتوروب مستی خلافتتده
یازوبدی نامه ولیده که عهد آلا مندن
.
کسیلسه ده بو الیم وئرمرم یزید آلینه
خوشام ایده بو الی ساربان جدا تندن
.
بنی امیه نین اعمال کفر و الحادی
عیاندی ملت اسلامه روز روشندن
.
یزید نطفه ناپاکدور یوخ امکانی
اولا امیر مسلمانلارا او ریمَندن
.
یزید کیمدی بو میداندا آت دولاندیرسون
ترابه سالّام اونی ذلّتیله توسَندن
.
جماعته ایلیوبدور ولیّ امر ئوزونی
منیم یانیمدا ولی قدری آزدی ارزَندن
.
بو امّتی او ستمگر جهالته چکوری
معذبم هامی عمری بو درد مزمندن
.
جماعتین ایدوب ارکان دینینی ویران
ہو باره ده ایلیوب استفاده هر فندن
.
ایدوبدی مذهب و دینی الینده بازیچه
گرک مصون ایدم اسلامی کید دشمندن
.
اولوبدی دامن اسلام، عمده لکّۀ ننگ
سیلم بو لکّۀ ننگی گرک او دامندن
.
بو دین ساحتی بیر با صفا گلستاندور
گرک کنار اولا زاغ و زغن بو گلشندن
.
علاوه قتلیمه فتوا وئروبدی مفتی شام
اودور که دشمن دین ال چکن دگول مندن
.
ایدم اگر آنا بیت خدانی من مأمن
گِنه گلوب تاپاجأقلار منی او مأمندن
.
خدا ایوینده منافقلر ئولدورلَّه منی
گیدر مزیت حرمت أُو دار ایمندن
.
علاج یوخدی آنا کربلایه گتمه لیَم
اگرچه شامه چکللر منی او موطندن
.
او یردی جلوه گه عشق اهل معنایه
او عشق دربدر أیلر منی بو میهندن
.
أو طور عشقده محو جمال یار اولّام
لزوم یوخ دیم ارنی جواب أولا لَندن
.
خدا گوره منی ایستوبدی قائیمه غلطان
یوخ احتراز بو برنامۀ مُعَیَّن دن
.
رضا قضایه ویروب هر بلایه صبر ایدرم
اولوبدی هر نه مقدَّر خدای ذوالمندن
.
اولار او کوی محبّتده اکبریم قربان
سالار چوله آناسین بو غم مُبَرهندن
.
حسن نشانه سی قاسم قزل قانا بویانار
منه جهانی ایدر تنگ چشم سوزندن
.
فرات اوسته دوشر سرو قامت عباس
سالار عدو ایکی قول پور اژدر افکندن
.
نقدر واردی جهان کربلا تاپار زینت
کنار نهرده اول مدفن مُزَیَّن دن
.
علی اصغریمون باشی نیزه باشینده
گیدر دمشقة آلار صبر هر دل آهندن
.
بنی امیه نین ایلر شقاوتین اعلان
جدا باشیندا گُذر ائتسه هانسی برزندن
.
آتام نقدر بو دینون چکوبدی زحمتینی
شهادتیمدی اونون حاصلی بو خَرمندن
.
گرک منیله گیده اهل بیت عصمتده
بو کاروان اولا تکمیل کودک و زن دَن
.
شهادتیله اسارت، منیله زینبدن
قبول دور یوخ ابامیز بو امر مُتقَندَن
.
ایدنده ناقه ده زینب قرائت خطبه
فضای کوفه دولار بانکی احسن احسندن
.
بویاندا ناله چخار عرشه آل طاهادن
اویاندا بانگ نی و چنگ و نای کف زندن
.
ووراللا بوینونا سجادیمون غُل جامع
آلار قرار و تحمل او صبره معدندن
.
اولار بالالاریما شامده خرابه مکان
فضای شام دولار ناله ئیله شیوندن
.
او شور و شیون ایدر کاخ جور و کفری خراب
جهانه نشر اولی عدل و داد او مسکندن
.
«ظهیر» اولماسا تائید ئوزلریندن اگر
محالدور أُولا ، سوزلر روانه سینَندَن
.
بو شعرلر سنی دلگرم ایدوبدی ظاهرده
اگر چه سرددی باطنده ماه بهمندن
.
.
#آنا_گلوبدی_حسینون_وداع_ایده_سندن
#ترکی
.
#زبدةالاشعار
.
: @nohe_torki