بلمم او گون لیلا نیجه اکبردن آیریلدی #اکبریه_مضطر_اردبیلی

وداع حضرت علی اکبر ( ع )
.
.
مرحوم مضطر اردبیلی
.
.
بلمم او گون لیلا نیجه اکبردن آیریلدی
اکبر خداحافظ ایدوب مادردن آیریلدی
.
.
روینده خال هاشمی چون نقطۀ قرآن
اون دورت گیجه لیک آی کیمین ماه رخی تابان
کمتر غلام درگهی چون یوسف کنعان
اکبر خداحافظ ایدوب مادردن آیریلدی
.
.
اون سگیز ایل زحمت چکوب بو دار دنیاده
بیر قدِ طوبا بَسلیوب آزاده شهزاده
ایندی گیدر دوغرانماقا میدانِ جلّاده
اکبر خداحافظ ایدوب مادردن آیریلدی
.
.
گه بوینونا قولّارینی سالدی او بیچاره
گه قویدی شانه تیل به تیل زلف سیه تاره
شهلا گوزه رعنا قده ایلردی نظاره
اکبر خداحافظ ایدوب مادردن آیریلدی
.
.
صندوقیدن بیر معجر زر دوز ایدوب پیدا
اول معجر زر دوزینی سالدی یره لیلا
بو معجرون اوسته یری ای قامت رعنا
اکبر خداحافظ ایدوب مادردن آیریلدی
.
.
لیلا باخار اول قامت رعنایه حسرتلن
اکبر قویوبدور یوز گیدر دعوایه حسرتلن
بیر چگنی اوستیندن باخار لیلایه حسرتلن
اکبر خداحافظ ایدوب مادردن آیریلدی
.
.
#اکبریه #مضطر_اردبیلی #اکبریه_شهادت #ترکی #زبدةالاشعار