توسل بر حضرت رقیه (س)
.
.
علیرضا عباسی (احسان تبریزی)
.
.
رقییه دئ دردیوی دواسی وار رقیه نین
مریض ئولوب مریضلره شفاسی وار رقیه نین
دمشقیده بهشتی بیر بناسی وار رقیه نین
مزاری اوسته گنبد طلاسی وار رقیه نین
او گنبد اوسته جاودان لواسی وار رقیه نین
.
.
دمشقیده حسیندن عزیزه یادگاریدور
نشان فتح دور او قیز جهانه اعتباریدور
مزاری اوسته کی علم نشان افتخاریدور
صغیره سن ئولوب اگر شفیعه اختیاریدور
کریمه دی کرامتی عطاسی وار رقیه نین
.
.
جلاله چاتدیریبدی حق او فاطمه نشانه سین
اوپر فرشته لر اونون مقدس استانه سین
نهان ائدیب خرابه ده که حق در یگانه سین
یزیدیدن نشانه یوخ خراب ائدیبدی خانه سین
ولیک بارگاه با صفاسی وار رقیه نین
.
.
اولوب مطاف شیعیان او قبر با جلالتی
مطبیدی مریضلره گئدن الوبدی حاجتی
امیدیله گیدن گوروب نقدری وار کرامتی
دیلی ولیک داغلیور قوتارمیان مصیبتی
آز عمر ائدیب باشندا چوخ بلاسی وار رقیه نین
.
.
سلام او نیلی پیکره او یاره لی قولاقلارا
ووراندا سیلی اشقیا او تترین دوداقلارا
سلام او ضرب سیلدن سزلدیان یاناقلارا
سلام او چوللری گزوب قبار اولان ایاقلارا
ایاقدا هم قولاقیده یاراسی وار رقیه نین
.
.
ائدیبدی آخرین گئجه خرابه ده او قیز نوا
دوروبدی خوابیدن دئدی هایانداسان گل ای بابا
سسین ائشیتدی قصریدن دئدی یزید بی حیا
بابا سنین کسیک باشین خرابه ده وئرین اونا
گوروب اونی خموش اولا نواسی وار رقیه نین
.
.
نواسی گَتدی عاقبت خرابیه باباسینی
دیوبدی بیر به بیر اونا باشنداکی بلاسینی
نشان وئریب بابا سینا ائشیت دیوم هاراسینی
بدنده قمچی ردّینی قولاقداکی یاراسینی
دگیبدی سیلی نیلگون نماسی وار رقیه نین
.
.
ایتیرمشم که مدتی سنی بابا تاپانمورام
گلیبسن ایندی دیدیمه بو نصف شب اینانمورام
سینونده عادت ائتمشم خرابه ده یاتانمورام
مریضه ام یورولموشام ایاقه ده دورانمورام
یخوبدی غم نه طاقتی قواسی وار رقیه نین
.
.
دیردی اولمیا منی گوزوندن آتموسان بابا
دوشندن ایری فکریمی باشمدا قاتموسان بابا
گئجه لری بو مدتی هایاندا یاتموسان بابا
باشووی کیم کسیب قانا هایاندا باتموسان بابا
گلیبسن ایندی جان سنه فداسی وار رقیه نین
.
.
گلیبسن ایندی خاتمه وئر ای بابا فراقیمه
نه وقتدی که دگمیوب سسین دانش قلاقمه
قوی ایندی قانلی لبلرین بو چاک اولان دوداقیمه
گوز آچ باخ ایندی سن منیم یاتاقیمه اطاقیمه
نه بستری نه فرشی نه غذاسی وار رقیه نین
.
.
ئوپوب دوداقلارین دئدی اوره کده غملی سوزلرین
آتا گوز آچدی باخجاقین بالا یوموبدی گوزلرین
یتوردی عمه باجیلار باشونون اوسته اوزلرین
باخوب رباب او صحنیه قوجاقلیوبدی دیز لرین
باتوب نفس گوروبله نه صداسی وار رقیه نین
.
.
نقدری سسلور عمّه سی رقیّه اولمادی جواب
اوچوبدی روحی بیلدیلر ائدیبدی دیللری کباب
توکوبله گوز یاشی اودم جنازه اوسته چون سحاب
یاواش یاواش کناریدن بالاسین اوخشادی رباب
دئدی نه بختی قاره بیر اناسی وار رقیه نین
.
.
بو دهریده دئدی فلک داغ اوسته چکدی داغیمی
قضائله قدر الوب گلیب منیم سراغیمی
جفا یئلی اسیب منیم خموش ائدیب چراغمی
نه گول قالیب نه باغبان خزان ووروبدی باغیمی
کفنده یوخدی جسمیده قراسی وار رقیه نین
.
.
توجه ایله #احسانا رقیه جان یورولموشام
قاپولاری گزیب گلیب سنون دخیلین اولموشام
غمونده قان یاش اغلارام بولوط مثالی دولموشام
بهار عمریده منی خزان ووروبدی سولموشام
دیوله شاه اولوبدی هر گداسی وار رقیه نین
.
.
#حضرت_رقیه
#حضرت_رقیه_مدح
#حضرت_رقیه_شهادت
#رقییه_دی_دردیوی_دواسی_وار_رقیه_نین
#علیرضا_عباسی
#ترکی
.
.
نظر دهید