آه اوساعتدن که زینب قارداشون عریان تاپوب #قتلگاه_عدلی_تبریزی

حضرت زینب علیها سلام در قتلگاه
.
.
حاج اصغر فرشچی ( عدلی تبریزی)
.
.
آه اوساعتدن که زینب قارداشون عریان تاپوب
ماه تک دوشموش محاقه نیّر تابان تاپوب
.
.
فَلک امیدین گوروب مستغرق دریای خون
وار سپهر پیکرینده یاره انجمدن فزون
غم فشاریندن اولوب رخصار زینب لاله گون
ملک تنده یاره لردن روضۀ رضوان تاپوب
.
.
شعبه لی اوخ قلبیده پیکان و خنجردن یارا
هر گلن یاره ویروبدی یاره لر گلمز سانا
نه الی نه وارباشی سسلندی سنسن بو اخا
قتلگاهون چشمه چشمه زخملردن قان تاپوب
.
.
پیکربی جانیله ایسّی قوم اوستونده یاتان
قالموشام بوچولده یوخدورقیدیمه کیمسه قالان
آغلارام بوگوزیاشیلن مرهم اولسون هریاران
تاباجون گورسون بوچولده جانینه جانان تاپوب
.
.
اوخلاری بیر بیرکنارایتدی اولوبدی بی قرار
نحرمنحرون اوپوب قانیاش توکوب گوز اشگبار
سسلدی زهرا آنا گل زینب اولدی داغدار
گل قزون زینب حسینی قانینه غلطان تاپوب
.
.
ما سوالهون ویروب قرآنه دنیاسون آتوب
ایسی قوملاراوسته گل گورآرخاسی اوسته یاتوب
کاسۀ چشمونده زینب اشگینی قانه قاتوب
قان دولوب گوزکاسه سینده قان اولان مژگان تاپوب
.
.
صرصر ظلم اسدی بوچولده تاپولدی مین بلا
محشر کبرایه بنزور غملی دشت کربلا
یدی قارداشدان بیری قالمور آنا یاور اولا
گل بلا صحرا سینه زینب قدین چوگان تاپوب
.
.
بو بیابانی آنا اوغلون قانی گلگون ایدوب
قانی آخدوقجا یره گوی اهلنی دلخون ایدوب
زینب بی خانمانی گل آنا محزون ایدوب
قالمیوب تاب وتوان حسمینده چون خسران تاپوب
.
.
واریری بوچولده من ایوای حسینیم وای دیم
قطره قطره اشک چشمیم قان اولا ایوای دیم
اصغرین تاپسام اونا بو سینه ده لایلای دیم
گل یرین گوسترقیزون زینب دیسون مرجان تاپوب
.
.
گل آنا قویموللا بوردا من حسینه آغلیم
بو یارالی اوغلی اولموش قارداشا دل داغلیم
باشی یوخدی وای منه تا گوزلرینی باغلیم
همسرخولی باشین مطبخده چون مهمان تاپوب
.
.
مشعل دینی خموش اولسون جهاندا قویمارام
جسمیدن رخت عزانی من اولونجه سویمارام
آغلارام قارداشیما من آغلاماقدان دویمارام
اشگ چشمیله دیسونلر زینبی عنوان تاپوب
.
.
سیل اشکین (عدلی) هرآن بوغمه ایلر روان
نام زهرانی حسینی ایلیوب ورد زبان
وار امیدی کربلایه ایستسین شاه جهان
تا گوره وادی غم بیربلبل خوشخوان تاپوب
.
.
.
#قتلگاه #عدلی_تبریزی #حسینیه_عدلی_تبریزی #حسینیه_شهادت
#آه_او_ساعتدن_که_زینب_قارداشون_عریان_تاپوب
#ترکی
.