زبانحال امام حسین (ع) کنار نعش علی اکبر (ع)
.
✍️ زبدة الاشعار ✍️
?: @nohe_torki
.
حاج روح اله رمضانی
.
دوشموسن دشت جهاده ولدی
یاره لی سینه گشاده ولدی
دورگئدک خیمه وخرگاهمیزه
یاتمابوقانلی مناده ولدی
گوزون آچ یاتما اوغول
منی آغلاتما اوغول (2)
.
توکولوب اوستوه خنجرپاراسی
قان وئرورپیکروون هریاراسی
وای منه گورنه دیوب بیربیرینه
بوآلاگوزلروون آغ قاراسی
سالدی دلدن بوکمکسیز آتوی
بوغم فارغ العاده ولدی
گوزون آچ یاتما اوغول
منی آغلاتما اوغول(2)
.
نجه گور گل بدنون پرپر اولوب
گون قباقی سنه خوش بستر اولوب
آی ادبلی بالا سس وئر سسیمه
گوزل آدون دیلیمه ازبر اولوب
نجه سنسیزقالیم ای جسمیمه جان
داخی بو دار فناده ولدی
گوزون آچ یاتما اوغول
منی آغلاتما اوغول (2)
.
شیشه دل توخانوب غم داشینا
بویانوبدی اتگیم گوزیاشیما
سن اولندن صورا آی نازلی بالا
کول النسین بوجهانون باشینا
گوزون آچ گورنجه هجرونده سنون
گتوروب غم منی داده ولدی
گوزون آچ یاتما اوغول
منی آغلاتما اوغول (2)
.
گوزلریم فرط بلادن تر اولوب
اورگیم غم کوزو نه مجمر اولوب
ای گل گلشن زهرا بدنون
ایاق آلتیندا قالوب پر پر اولوب
بوداغیلمیش بدنی خیمه لره
آپارام بلکه عباده ولدی
گوزون آچ یاتما اوغول
منی آغلاتما اوغول (2)
.
گوزلریم دردو بلادن تر اولوب
اورگیم غم کوزونه مجمر اولوب
ای گل گلشن زهرا بدنون
ایاق آلتیندا قالوب پرپر اولوب
بوداغیلمیش بدنی خیمه لره
آپارام بلکه عباده ولدی
گوزون آچ یاتما اوغول
منی آغلاتما اوغول (2)
.
آی منیم جسمیمه جان یاتما اویان
ماه اسپهر ادب باتما اویان
رحمه گل قانه دونوب اشک تریم
بوندان آرتیغ منی آغلاتما اویان
گوزلیور باجیلارون عمه لرون
یولووی خیمه سراده ولدی
گوزون آچ یاتما اوغول
منی آغلاتما اوغول (2)
.
#سبک_کوفیان_گور_نجه_یاندردی_منی (3 سبک مشابه در یک فایل )
.
#اکبریه_شهادت
#دوشموسن_دشت_جهاده_ولدی
#رمضانی_خاکی
#ترکی
.
✍️ #زبدةالاشعار ✍️
?: @nohe_torki
نظر دهید