آه او گوندن نینواده نالۀ جانکاهیله #عباسیه_ذهنی_زاده

آمدن حضرت اباعبدالله الحسین
ببالین حضرت ابوالفضل
..
..
..
مرحوم ذهنی زاده
..
..
..
آه او گوندن نینواده نالۀ جانکاهیله
یوز یوزه قویدی سپهسالار شاهنشاهیله
..
کربلاده رستخیز اعظم اولموش آشکار
اقتران ایلوب امامت آفتابی ماهیله
..
عاشر شهر محرم نصفۀ روز اولمامیش
بیر شب دیجوره دوندی تار دود آهیله
..
ایله قطب عالم امکان تزلزدیدی که
چرخ اؤزی اؤز ظلمنه مبهوتیدی اکراهیله
..
ناگهان گفتاره گلدی غرق در خون سر سپاه
باب صحبت آچدی سلطان مسلک درگاهیله
..
عرض ایدوب ای معدن جود و سخا کان کرم
سربلند ایتدون منی اکرام بس آگاهیله
..
جان مشامی صون نفس مشتاقیدی عطرون آلا
شهریارا نایل اولدوم کامه لطف شاهیله
..
گلماقون آگاهیدیم تصديع فوق العاده دور
اولدی استمدادیم اجباريله نه دلخواهيله
..
سرّ مکنونیمدن آگه سن نه لازم شرحینه
ای هامی اسراردن آگه دل آگاهیله
..
تا نفس وار منده حمل ایتمه خيامه نعشیمی
دلخوشام توپراق لار اوسته جان وئرم ازماهيله
..
اولمادی سو شرمسارم عترت یاسیندن
خیمیه يوز دوندروم نه بضعۀ مُزجاهيله
..
جان قبالینده بو لشگر ویرموری بیر شربه سو
یوخ سر و کار سپاه کوفه استنباهیله
..
ناگرانم قیزلاروندان،سندن،ای کوفه امیر
نیله سن بس بولمورم بو فرقۀ گمراهیله
..
لشکرین بیرده چوخی بولمور من آتدان دوشموشم
بولسه ایتمزلر مدارا شاه عالی جاهیله
..
سندہ سالک سن بویولدا زینبون وای حالینه
گر اسارت امری اجرا اولسا آل اللهیله
..
تا وصایاسین ایدوب آیریلدی روحی جسمدن
قارداشون قویدی رخ زرد مثال کاهیله
..
گون تلؤلودن دوشوب تأثیر خسف ماهدن
خیمه گاهه شه دونوب فریاد یا ربّاهیله
..
..
#عباسیه #ذهنی_زاده #عباسیه_شهادت #ترکی #زبدةالاشعار