حیدر مارالی زهرا ائلدن آرالی زهرا #فاطمیه_آسال_اردبیلی

شهادت حضرت زهرا سلام الله علیها
.
✍️زبدةالاشعار✍️
.
🆔: @nohe_torki
.

آسال اردبیلی
.
حیدر مارالی زهرا ائلدن آرالی زهرا
قبره گیدن گیجیلن سینه یارالی زهرا
لای لای یارالی زهرا
لایلای یارالی زهرا
.
.
.
.
قدرون کیمین اولوبدی قبرون نهان یارالی
کلثوم ایدوبدی غوغا زینب فغان یارالی
آغلور بو ماتمونده یکسر جنان یارالی
بو محنتونده اولدی عالم عزالی زهرا
.
.
.
.
زینب دییردی هرآن لای لایلای جوان ننم وای
اولدی جوانلیقوندا والله یالان ننم وای
اون سکیز ایلده اولدی قدون کمان ننم وای
سن سیز قالوبدی حیدر بی کس وفالی زهرا
.
.
.
.
غسلون ویرنده حیدر گورسندی سیلی ردّی
دیواره قیلدی تکیه گویا بوکولدی قدی
یدی گویی کیچوبدی ظلم و جفانون حدی
هی سسلیور دمادم لایلای حیالی زهرا
.
.
.
.
گلدی حسن بیانه ایتدی بیله اشاره
ظلمیله ویردی سیلی ثانی او مه عذاره
دوشدی ترابه ناگه گوشواره اولدی پاره
سسلندیم ای وای ای وای باشی بلالی زهرا
.
.
.
.
یاندیردی مرتضانی زهرا بو درد اعظم
یدّی نفرله گیتدی قبره عزیز خاتم
تک دورت بالون قوروبدی منزلده بزم ماتم
یاتما مزاریده دور سینم مدالی زهرا
.
.
.
.
سن عالمی آتوبسان قبر ایچره خوش یاتوبسان
یارون قالوبدی تنها سن آی کیمین باتوبسان
فیض وصال حقه آز سنّیلن چاتوبسان
سن سیز سولوبدی حیدر گللر مثالی زهرا
.
.
.
.
ای حیدرون پناهی یالقوزدی مرتضی دور
سو نصف شب لر ایستور سلطان کربلا دور
یاتما بقیعده راحت ای عشق مصطفی دور
باشدان آشوب علینون درد و ملالی زهرا
.
.
.
.
درد و غمونده یکسر غملن دولوبدی سینه
یوخدور ویرن تسلی مولای دلغمینه
زهرا أولوبدی امّا راحت یاتوب مدینه
آی اهل یثرب أولدی سینه یارالی زهرا
.
.
.
.
خیبر آچان علینون تیغی دوشوب کسردن
زهرا ییوبدی سیلی ثانی بد گهردن
حیدر قالوبدی ساکت اشکی آخوب بصردن
باغلیدی امر حقدن شه پرّ و بالی زهرا
.
.
#سبک_احوالیمیز_یاماندی … 10 سبک
.
.
#فاطمیه_شهادت
#حیدر_مارالی_زهرا_ائلدن_آرالی_زهرا
#آسال_اردبیلی
#ترکی
.
✍️ #زبدةالاشعار✍️
.
🆔: @nohe_torki