شهادت حضرت مسلم (ع)
.
.
✍️ #زبدةالاشعار ✍️
.
🆔: @nohe_torki
.
غلامرضا اسمعیل پوران (هادی)
.
آچدی مسلم مکتب حقّ و حقیقت کوفه ده
دین حق اوستونده چکدی چوخ ریاضت کوفه ده
.
.
گوردی شهباز حقیقت ظلم الیله صید اولوب
کوفه تبلیغات ضدّ دینیله یکسر دولوب
گلستان دین حق دست جفائیله سولوب
ظلمیله مستور اولوب دین و شریعت کوفه ده
.
.
گوردی تاکتیک سیاستده اگر مغلوب اولا
بوندان آرتوخ گلستان دین پیغمبر سولا
چوخ چتیندی بیرده نور حقّیله دنیا دولا
انقلاب سرخه ایتدی چوخلی سرعت کوفه ده
.
.
نفسینه ایتدی خطاب ای نفس خوار اول سن ازل
پایۀ ایمانیمه تا یتمه سین سندن خلل
بولسون عالم آمران باطل قوم دغل
دین اسلامه ویروبدور چوخلی تهمت کوفه ده
.
.
هر مسلمانه گرکدور دینه خدمت ایلسون
قویمارام باطل منه بو گون حکومت ایلسون
تا کلام اللهی محو ایتماقا فرصت ایلسون
روی حقدن من سالام واجبدی طلعت کوفه ده
.
.
باء بسم الله منه احکام حق تدریس ایدوب
آبرو حقه بو یرده قانیله شاهیم ویروب
سهلدور باء غارت اولدی، غارته قرآن گیدوب
ایمدی حکم ایلیر جفا و خوف و وحشت کوفه ده
.
.
اوستادیم حقّینی بو گون یقین قیلام روا
قویمارام زنجیر سالسون دست باطل بوینوما
بوینوما تا سلسله شمشیر خون خواران سالا
تا ایدم من سالک حقّه شراکت کوفه ده
.
.
من ازلدن اولموشام شمع خدا پروانه سی
سینسا دندانیم خوشام اولسام جفا افسانه سی
چرخ اسلامین گرکدور سنمیا دندانه سی
اولمیا اسلامیانه هتک حرمت کوفه ده
.
.
ظلمده طغیان ایدوب گرچه یزید کینه جو
قویمیوب باطل حقیقتده نه آب و رنگ رو
تشنه قیلّام من بو دین حقّه کسب آبرو
باطله ویرّام ید حقّیله ضربت کوفه ده
.
.
کوفه اهلی سرّ حقّه چون ویروبدی پشت پا
گلمیشم شاه حقیقتدن بو شهره رهنما
گیچموشم جاندان اودور رُتبَم تاپوبدور ارتقا
مسلمینه تا ویرم درس سیادت کوفه ده
.
.
هیچ مسلمان باطله دنیاده بیعت ایلمز
باطلیله ال اله ویرمز او وحدت ایلمز
بامدن گر آتسالار بیر ذرّه وحشت ایلمز
ایلیر قرآن، دوشن وقته تلاوت کوفه ده
.
.
مغربه گر پنجۀ ظلمیله تبعید ایتسلر
ناطق قرآن اونیله هر یانا گیتسه گیدر
تا جهاندا دین اسلامیّتین تبلیغ ایدر
گر گوتورسه دست ظلمیله جراحت کوفه ده
.
.
بیر غلام شاه عطشان وار اسیر بحر غم
بو سوزی تلقین ایدوب هادی بوگون ویردون رقم
چوخ گوزل سوزدی عجب یازدی گینه خونین قلم
باغلیوب مسلم جماعت باب بدعت کوفه ده
.
#مسلمیه_هادی_تبریزی
#آچدی_مسلم_مکتب_حق_و_حقیقت_کوفه ده
#ترکی
.
✍️ #زبدةالاشعار ✍️
.
🆔: @nohe_torki
نظر دهید