در مقام زهرای مرضیه (س)
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
جدّۀ سادات جهان فاطمه دور فاطمه دور
فخر زنان زیب جنان فاطمه دور فاطمه دور
.
.
کیم ایده قرآنی مرور فاطمه نی یاخشى تانور
شأنینه خلاق غفور، نازل ایدوب سورۀ نور
رتبه سی کوثرده ظهور، خیّرۀ خیرالامور
نیّرۀ برج شعور، خادمه سی مریم و حور
نادره پاکیزه روان فاطمه دور فاطمه دور
.
.
طاهره صدّیقه لقب، صورتی مرآت ادب
گوگلره طاهاسی سبب عزّت نسوان عرب
صادقه عالیّه نسب ذکره وران بیربیره لب
حقّینون اوستونده عجب چکدی غم رنج و تعب
گون کیمی منظوری عیان فاطمه دور فاطمه دور
.
.
همسر سلطان نجف گوهر اعلایه صدف
صاحبۀ عزّ و شرف نطقی پر از شور و شعف
قالخزان ال حقّه طرف عمری جوانلقدا تلف
سینه سی مسماره هدف گورسنن حالینده اَسف
ظلمیله پهلوسی سنان فاطمه دور فاطمه دور
.
.
قادر و قهّاره قسم احمد مختاره قسم
جعفر طیّاره قسم حیدر کرّاره قسم
عترت اطهاره قسم عابد بیماره قسم
عاشق داداره قسم یاره قسم یاره قسم
آیت حق حق دانیشان فاطمه دور فاطمه دور
.
.
دردی اورکدہ چوخالان گل یوزی غمدن سارالان
زندگیده تز قوجالان قاره لچک باشه سالان
اود قاپوسندا اوجالان مدرکینی دشمن آلان
طاقت و صبری آزالان سیلی یری یوزده قالان
قمچی یه قولّاری نشان فاطمه دور فاطمه دور
.
.
شمع فروزانی سونن گوزده یاشی قانه دونن
ضربۀ دشمندن ئولن قبره گئجه چاقی گیدن
قیزلاری رنجور محن زینبی گوز یاشلی گزن
ایوده حسینیلن حسن آیریلیقیندا ملیَن
دردی نهان قبری نهان فاطمه دور فاطمه دور
.
.
اللى ایل اولدی سپری شصتم سال قمری
باشلادی بند جگری کرب و بلایه سفری
ماه عزانون عشری سندی حسینون کمری
گولدى قوشون اولدی جری قان اولوب اشک بصری
اوندا اولان گوز یاشی قان فاطمه دور فاطمه دور
.
.
قولسوز علمداره باخان دوره ده کفّاره باخان
ضربت اشراره باخان یاره لی قوللاره باخان
درده گرفتاره باخان تیر ستمکاره باخان
دیدۀ خونباره باخان سینه ده رخساره باخان
حال ابالفضله یانان فاطمه دور فاطمه دور
.
.
سهمیلی طوفانی گورن قانلی بیابانی گورن
نعش شهیدانی گورن یاره لی سلطانی گورن
جسمیده پیکانی گورن باشدان آخان قانی گورن
دوغرانان اعضانی گورن پیکر عریانی گورن
سسلین ای جسمیمه جان فاطمه د ور فاطمه دور
.
.
تیر بلّیاته نشان گوز یاشی قانه قاریشان
نار فراقه آلیشان بند دلین آختاریشان
خولی ایوینده چالیشان یاره لی باشدان یاپیشان
کرببلادن دانیشان زینبون حالین سوروشان
نائبه سیندن نگران فاطمه دور فاطمه دور
.
.
باش چکن اوز بنزرینه کنز ادب گوهرینه
برج حیا اختریه ماه لقا دخترینه
نازلی وفا پرورینه اکبرینون دلبرینه
چوخ یانان اشک ترینه بوسه ووران لبلرینه
چولده سنق گوگلین آلان فاطمه دور فاطمه دور
.
.
شامه یتیشدی نوه سی عمرینون آخر گئجه سی
گوردی بلا منظره سی ئولدی کسیلدی نفسی
گلدی ائمه ننه سی نه فلکه چخدی سسی
اولدی حزین زمزمه سی سسلدی ای گوز گیله سی
حالووه حسرتله باخان فاطمه دور فاطمه دور
.
.
سیلی گورنده یایاقیم خالی قالوبدور قولاقیم
برهم اولوبدور تفاقیم آی بالا سونمیش چراغیم
گل منیم ای گل قوناقیم بوشدی رقیه قوجاقیم
باخما سنقدی بوداقیم بوسووی گوزلر دوداقیم
آجسان اگر سفره آچان فاطمه دور فاطمه دور
.
.
.
#فاطمیه_معزی_اردبیلی
#فاطمیه_شهادت #فاطمیه_مدح
#جده_سادات_جهان_فاطمه_دور_فاطمه_دور
#ترکی
.
✍️ #زبدةالاشعار ✍️
.
🆔: @nohe_torki
نظر دهید